site
stats
سندھ

کورٹ میرج کیس کی سماعت، فریقین کا جھگڑا، تین ملزمان گرفتار

کراچی : ملیر کورٹ میں پسند کی شادی کیس کی سماعت کے سلسلے میں پیشی پر آئے افراد آپس میں جھگڑ پڑے، عدالت کا احاطہ میدان جنگ کا منظر پیش کرنے لگا۔

تفصیلات کے مطابق پسند کی شادی کرنے والے پریمی جوڑے کی عدالت میں پیشی کے موقع پر لڑکا اور لڑکی کے لواحقین آپس میں جھگڑ پڑے.

فریقین نے ایک دوسرے پر مکوں اور لاتوں کی برسات کردی، کراچی کا ملیر کورٹ میدان جنگ بن گیا، کورٹ میرج سے متعلق سماعت کے موقع پر جھگڑے کی وجہ سے کئی افراد زخمی ہوئے۔

لاتوں اور گھونسوں کا آزادانہ استعمال کیا گیا، جھگڑے کی وجہ سے عدالت کی کھڑکیوں کے ششیے بھی ٹوٹ گئے، پولیس نے فوری کارروائی کرتے ہوئے تین افراد کو گرفتار کرکے لاک اپ کردیا۔

عدالت نے پولیس کوگرفتار ملزمان کے خلاف مقدمہ درج کرنے کا حکم دے دیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top