کراچی : انسداد دہشت گردی عدالت نے کراچی یونیورسٹی خود کش حملے کے ماسٹرمائنڈ کو 14روزہ عدالتی ریمانڈ پر جیل بھیج دیا۔
تفصیلات کے مطابق انسداد دہشت گردی عدالت منتظم جج نے کراچی یونیورسٹی خود کش حملہ کیس کی سماعت کی۔
پولیس نےگرفتار مبینہ سہولتکار داد بخش کوعدالت میں پیش کیا، پولیس نے مؤقف میں کہا کہ ملزم سےابھی تفتیش مکمل نہیں ہوئی ، ملزم بی ایل اے اوربی ایل ایف کراچی کا کمانڈ رہے۔
پولیس کا کہنا تھا کہ ملزم کراچی یونیورسٹی میں اساتذہ پرخود کش حملےکاماسٹرمائنڈ ہے اور کراچی میں حملوں میں سہولت کاری کا کام کرتا تھا۔
کراچی:عدالت نےملزم کو 14روزہ عدالتی ریمانڈپرجیل بھیج دیا اور تفتیشی افسر کو آئندہ سماعت پر کیس کا چالان جمع کرانے کی ہدایت کردی۔
یاد رہے جامعہ کراچی خودکش دھماکے میں ملوث کالعدم بی ایل اے کے کمانڈر دادبخش کو ماڑی پورروڈ سے کارروائی میں گرفتار کیا گیا تھا، گرفتار دہشت گرد سلیپر سیل کا کمانڈر ہے۔
دہشت گرد نے انکشاف کیا تھا کہ ماسٹر مائنڈ زیب ہے اور خود بھی آئی ای ڈی بنانے کا ماہر ہے، یہ حملے کے بعد بلوچستان بھاگ گیا تھا۔
