گلوکارہ میشا شفیع نے دبئی کنسرٹ میں میں شرکت کا اعلان کردیا جبکہ عدالت بلاتی ہے تو وہ حیلے بہانی کرکے عدالت میں پیش نہیں ہوتیں۔
اے آر وائی نیوز کے مطابق گلوکارہ میشا شفیع نے سماجی رابطے کی ویب سائٹ ٹویٹر پر لکھا کہ ’28 تاریخ کو دبئی ایکسپو میں کنسرٹ کے لیے آرہی ہوں، واضح رہے کہ علی ظفر کیس میں میشا شفیع عدالت کو مسلسل حاضری سے استثنیٰ کی درخواستیں دے چکی ہیں۔
عدالت نے مستقل حاضری کی میشا شفیع کی درخواست بھی مسترد کردی تھی۔
عدالت نے انہیں بلایا تھا تو میشا شفیع نے کہا تھا کہ سفری اخراجات نہیں کرسکتی، علی ظفر کی جانب سے سفری اخراجات اٹھانے کی پیشکش پر بھی وہ عدالت میں پیش نہیں ہوئی تھیں۔
Hey #Dubai!!! I’m performing at the #Expo2020 this Sunday and am honoured to be sharing the stage with @muniba_mazari #abdullahSiddique @MariaUnera to represent and celebrate #Pakistan
Ajao! ✌🏼🥳✌🏼 pic.twitter.com/T1RTOVJjuv
— MEESHA SHAFI (@itsmeeshashafi) November 25, 2021
واضح رہے کہ میشا شفیع کی جانب سے سوشل میڈیا پر علی ظفر پر الزامات کا کیس زیر سماعت ہے، علی ظفر کی جانب سے عدالت میں میشا شفیع کو طلب کرنے کی درخواست دائر کی گئی ہے۔
درخواست میں گلوکار نے موقف اختیار کیا کہ میشا شفیع اتوار کو کنسرٹ کے لیے دبئی جارہی ہیں پیر کو انہیں طلب کیا جائے۔
میشا شفیع کو عدالت کی جانب سے پیر کے روز پیش ہونے کا حکم دیا گیا ہے، عدالتی حکم نامے میں کہا گیا ہے کہ میشا شفیع پیر کے روز عدالت میں پیش ہوں ورنہ کارروائی ہوگی۔