منگل, مئی 21, 2024
اشتہار

عدالت نے عمران خان، فواد چوہدری کے خلاف الیکشن کمیشن کے وارنٹ گرفتاری معطل کر دیے

اشتہار

حیرت انگیز

لاہور: ہائی کورٹ نے پی ٹی آئی چیئرمین عمران خان اور فواد چوہدری کے خلاف الیکشن کمیشن کے وارنٹ گرفتاری معطل کر دیے۔

تفصیلات کے مطابق لاہور ہائیکورٹ راولپنڈی بینچ میں توہین الیکشن کمیشن میں وارنٹ گرفتاری کے خلاف درخواست پر سماعت ہوئی، عدالت نے الیکشن کمیشن کو قانون کے مطابق کارروائی جاری رکھنے کا حکم دے دیا، تاہم عمران خان اور فواد چوہدری کے خلاف وارنٹ گرفتاری معطل کر دیے۔

عدالت نے عمران خان اور فواد چوہدری کی درخواستیں زائد المیعاد قرار دے کر خارج کر دیں، عدالت نے ہدایت کی کہ الیکشن کمیشن اپنے دائرہ اختیار میں رہ کر کارروائی جاری رکھے اور میرٹ پر فیصلہ کرے۔عدالت نے ریمارکس میں کہا کہ الیکشن کمیشن کے فیصلے کو فریقین میں سے کوئی بھی چیلنج کر سکتا ہے۔

- Advertisement -

اس کیس کی سماعت کرنے والا لارجر بینچ جسٹس صداقت علی خان، جسٹس مرزا وقاص رؤف اور جسٹس چوہدری عبدالعزیز پر مشتمل تھا۔

عدالت کا کہنا تھا کہ انکوائری چیلنج کرنے کی صورت میں درخواست گزار کو عبوری ریلیف نہیں دیا جا سکتا، درخواست گزار نے الیکشن کمیشن کے اختیارات کو چیلنج کر رکھا ہے تو الیکشن کمیشن کیسے کارروائی جاری رکھ سکتا ہے۔ عدالت نے کہا کہ درخواست گزار کے پٹیشن واپس لینے کی صورت میں عدالت الیکشن کمیشن کو ڈائریکشن جاری کر سکتی ہے، الیکشن کمیشن کے فیصلے کے بعد درخواست گزار عدالت سے رجوع کر سکتا ہے۔

Comments

اہم ترین

مزید خبریں