کویت سٹی: بھرپور ویکسی نیشن اور ایس او پیز پر موثر عملدرآمد کے باعث کویت میں کرونا کی صورت حال مسلسل بہتری کی جانب گامزن ہے۔
میڈ یا رپورٹ کے مطابق کویت وزارت صحت کی جانب سے جاری بیان میں کہا گیا کہ ملک میں صحت کی صورتحال میں بہتری آئی ہے اور کرونا انفیکشن کی شرح دو فیصد سے بھی نیچے آگئی ہے۔
وزارت صحت کے مطابق پچھلے چوبیس گھنٹوں میں کرونا وائرس سے متاثرہ دو افراد کی موت جبکہ دو سو چھبیس نئے کووڈ نائنٹین انفیکشن ریکارڈ کیے گئے تھے، جس کے بعد ملک میں رجسٹرڈ کیسز کی کل تعداد بڑھ کر 407،878 ہوگئی ہے۔
السند نے کویت نیوز ایجنسی کو بتایا کہ دو نئی اموات ریکارڈ ہونے کے ساتھ اموات کی کل تعداد 2،401 ہے جبکہ 610 نئے کیس شفایابی کے ہیں، وائرس سے صحت یاب ہونے والوں کی کل تعداد 98.1 فیصد کے ساتھ 400،148 ہے۔
یہ بھی پڑھیں: کویتی حکومت کی غیر ملکی افراد کیلئے اہم ہدایات
وزارت صحت کے ترجمان ڈاکٹر عبداللہ السند نے بتایا کہ اسپتال کے وارڈز میں انفیکشن کیسز میں مسلسل کمی واقع ہوئی ہے جبکہ انتہائی نگہداشت کے یونٹ میں بحالی کی شرح اضافے کے ساتھ 98.1 فیصد تک پہنچ گئی ہے، یہ پہلی بار ہوا ہے کہ ملک میں کرونا انفیکشن دو فیصد سے کم سطح پر آئے۔
انہوں نے بتایا کہ انتہائی نگہداشت کے وارڈز میں طبی نگہداشت حاصل کرنے والوں کی تعداد ایک سو تہتر تک پہنچ گئی ہے جبکہ متاثر ہونے کی تصدیق شدہ اور اب بھی علاج معالجہ وصول کرنے والے کیسوں کی مجموعی تعداد 5،329 ہے جبکہ (کوویڈ 19) وارڈز میں کیسوں کی کل تعداد 340 ہے۔
گورنریٹس میں انفیکشن کی شرح کے حوالے سے السند نے کہا کہ حولی 28 فیصد ، فروانیہ 22 فیصد ، احمدی 20 فیصد ، جھرا 17 فیصد اور دارالحکومت میں انفیکشن کی شرح 13 فیصد ہے۔
