The news is by your side.

Advertisement

کرونا کی نئی قسم کے کیسز کی تصدیق کے بعد برطانیہ کا سفری پابندیوں کا اعلان

لندن: برطانوی حکومت نے کرونا کی نئی قسم اومی کرون کے دو کیسز سامنے آنے کے بعد 6 ممالک پر سفری پابندیاں عائد کردیں۔

اے آر وائی نیوز کے مطابق برطانوی وزیر صحت ساجد جاوید نے کرونا کی نئی قسم کے دو کیسز سامنے آنے کی تصدیق کرتے ہوئے بتایا کہ دونوں مریضوں کو علاج کے لیے اسپتال منتقل کردیا ہے۔

وزیر صحت کی جانب سے مریضوں کے حوالے سے مزید کوئی تفصیلات جاری نہیں کی گئیں اور نہ ہی یہ بتایا گیا کہ آیا وہ کہیں سے سفر کر کے برطانیہ پہنچے یا وہیں پر مقیم تھے۔

ساجد جاوید نے بتایا کہ اومی کرونا ڈیلٹا سے بھی زیادہ تیزی سے پھیل سکتا ہے اور اس پر ویکسین کا اثر بھی کم ہوتا ہے۔

مزید پڑھیں: کرونا کی نئی لہر کے بعد عوامی تقریبات پر پابندی

دوسری جانب برطانوی حکومت نے کرونا کی نئی قسم کے پیش نظر جنوبی افریقا، بوٹسوانا، بیلجیئم، ہانگ کانگ اور اسرائیل سے مسافروں کی آمد و رفت پر مکمل پابندی عائد کردی۔ حکومت کی جانب سے مذکورہ ممالک کے لیے دو طرفہ پروازوں پر بھی تاحکم ثانی پابندی عائد کی گئی ہے۔

اومی کرون کے نئے کیسز سامنے آنے کے بعد برطانوی وزیر اعظم نے آج رات قوم سے خطاب کا فیصلہ کیا۔ امکان ظاہر کیا جارہا ہے کہ بورس جانسن خطاب میں ملک میں نئی پابندیوں کے نفاذ کا اعلان کریں گے۔

یہ بھی پڑھیں: کرونا کی نئی قسم کے خلاف ویکسین کتنے دن میں‌ تیار ہوسکتی ہے؟

اس سے قبل متعدد ممالک نے بھی اومی کرون کے پیش نظر مختلف ملکوں پر سفری پابندیاں عائد کی ہیں جبکہ پاکستان ہانگ کانگ، نمیبیا، جنوبی افریقا، لیسوتھو، بوٹسوانا کو کیٹگری سی میں شامل کر کے آمد و رفت پر پابندی عائد کردی۔

Comments

یہ بھی پڑھیں