تازہ ترین

سی پیک کے تحت پاکستان میں 9 انڈسٹریل پارکس بنائے جائیں گے

اسلام آباد: پاک چین اقتصادی راہداری منصوبے (سی پیک) کے تحت پاکستان میں 9 صنعت سے متعلق خصوصی پارکس بنائے جائیں گے۔

تفصیلات کے مطابق پاکستان اور چین کی جانب سے جن نو صنعتی پارکس بنانے پر اتفاق کیا گیا تھا ان میں سے تین رواں برس مکمل کر لیے جائیں گے جس کے لیے کام تیز سے جاری ہے۔

چین میں موجود پاکستانی سفیر مسعود خالد نے مقامی میڈیا انٹرویو دیتے ہوئے کہا کہ چین کا ہمشیہ سے صنعتی پارکس بنانے کا ریکارڈ کامیاب رہا ہے اور چین پاکستان میں بھی نو انڈسٹریل پارکس بنانے کا ارادہ رکھتا ہے۔

ملکی ترقی اور سی پیک کی ناکامی کیلئےدشمن ایجنسیاں کام کررہی ہیں،احسن اقبال

انہوں نے کہا کہ سی پیک کے ذریعے اب تک پاکستان میں ساٹھ ہزار لوگوں کو روزگار ملا، علاوہ صنعتی پارکس کی بدولت نہ صرف پاکستان بلکہ چین کو بھی فائدہ ہوگیا جس کے تحت سرمایہ کاروں کے اشتراک سے صنعتی یونٹس لگائے جائیں گے جس سے بڑے پیمانے پر لوگوں کے لیے روزگار کے مواقع میسر آئیں گے۔

مسعود خالد کا کہنا تھا کہ 22 ہزار پاکستانی طلب علم سائنس اور ٹیکنالوجی سمیت مختلف مضامین میں چین میں تعلیم حاصل کر رہے ہیں، دونوں ملکوں کے درمیان نہ صرف معیشت بلکہ سماجی شعبوں میں بھی تعلقات بڑھتے جا رہے ہیں۔

سی پیک کی ترقی سے ہمارا دشمن پریشان ہوگا‘ ڈی جی کوسٹ گارڈ

پوچھے گئے سوال پر پاکستانی سفیر کا کہنا تھا کہ اقتصادی راہداری منصوبے کے تحت پاکستان میں اس وقت بائیس چھوٹے بڑے منصوبوں پر تعمیراتی کام جاری ہے جو تکمیل کے مختلف مراحلے ہیں، جلد مکمل کر لیے جائیں گے۔

ان کا مزید کہنا تھا کہ دونوں ملکوں کے لیے منصوبہ انتہائی اہم ہے جس سے معیشت مضبوط ہوگی اور دو طرفہ تعلقات میں مزید اضافہ بھی ہوگا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

- Advertisement -