اسلام آباد : کونسل آف پاکستان نیوز پیپرز ایڈیٹرز (سی پی این ای ) نے صدر اور چیف جسٹس آف پاکستان سے اپیل کی ہے کہ عماد یوسف کے خلاف مقدمہ ختم کرائیں۔
تفصیلات کے مطابق کونسل آف پاکستان نیوز پیپرز ایڈیٹرز (سی پی این ای ) نے اے آروائی کے ہیڈ آف نیوز عماد یوسف کیخلاف بغاوت کے مقدمے میں چارج شیٹ کی مذمت کی۔
صدر سی پی این ای کاظم خان نے کہا ہے ایسی چارج شیٹ آزادی اظہار پر گھناؤنا وار ہے، حکومت صحافیوں کو تختہ مشق بنانے سے باز رہے۔
ان کا کہنا تھا کہ تاریخ میں پہلی بارصحافی پر ایسا مقدمہ بنا جس میں سزائے موت کی دفعہ ہے، پولیس حکومت کے حکم پر عماد یوسف کو سزا کیلئے تیزی دکھا رہی ہے، پولیس یہی تیزی دہشت گردوں کیخلاف بھی دکھائے۔
کاظم خان نے اپیل کی کہ صدر اور چیف جسٹس ہیڈ آف اےآروائی نیوز کیخلاف مقدمہ ختم کرائیں، مقدمہ ثابت کرتا ہے پاکستان میں بولنا جرم اور سوال اٹھانا گناہ ہے۔
