site
stats
پاکستان

پنجاب پولیس کا پتنگ بازوں‌ کو پکڑنے کے لیے دوربین کا استعمال

لاہور: گوجرانوالہ پولیس نے پتنگ بازوں کو پکڑنے کے لیے دوربین کا استعمال شروع کردیا، اہلکار آسمان تکنے لگے، جہاں پتنگ اڑتی نظر آتی ہے تعاقب کرتے ہوئے گھر پہنچ جاتے ہیں۔

اطلاعات کے مطابق گوجرانوالہ کی پولیس نہ آج کل چوروں کے تعاقب میں ہے اور نہ انہیں ڈاکوؤں کی تلاش ہے بلکہ انہیں حکم ہے کہ انہیں جہاں پتنگ نظر آئے وہیں پکڑ دھکڑ شروع کردی جائے۔

 

 

پولیس اہلکاروں نے پتنگ بازوں کو پکڑنے کے لیے دوربینیں رکھ لی ہیں تاکہ آسمان پر جہاں پتنگ اڑتی نظر آئے وہیں پہنچ کر پتنگ اڑانے والے کو پکڑ لیا جائے۔

اطلاعات کے مطابق پولیس نے افسران بالا کے احکامات ملنے کے بعد پتنگ بازوں کے خلا ف کریک ڈاؤن شروع کررکھا ہے اور جگہ جگہ چھاپے مار کر سیکڑوں رنگ برنگی پتنگیں اور ڈور کی درجنوں چرخیاں قبضے میں کرلی ہیں۔

خبر میں دی گئی ویڈیو میں دیکھا جاسکتا ہے کہ اہلکار موبائل پر اپنے افسر یا ساتھی کو آگاہ کررہا ہے کہ تھانہ ماڈل ٹاؤن میں کوئی پتنگ نہیں اتری، سب اڑ رہی ہیں۔

پولیس اہلکار کے مطابق پتنگ اڑانے پر پابندی ہے، اس کی خلاف ورزی کرنے والے سیدھے حوالات جائیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top