ٹوکیو: جاپانی طیارے میں دوران پرواز اس وقت ہنگامی صورت حال پیدا ہو گئی جب اچانک یہ ادراک کیا گیا کہ کاک پٹ کی کھڑکی کے شیشے پر کریک آ گیا ہے۔
غیر ملکی میڈیا رپورٹس کے مطابق ہفتے کے روز تویاما ایئرپورٹ کی طرف محو پرواز جاپان کے ایک مسافر طیارے ’بوئنگ 737‘ کے کاک پٹ کی کھڑکی میں دراڑ نظر آنے سے افرا تفری پھیل گئی، اور پائلٹ نے 65 مسافروں کے ساتھ طیارہ کی ایمرجنسی لینڈنگ کرائی۔
کھڑکی میں دراڑ کی خبر ملنے کے بعد پائلٹ آناً فاناً طیارے کو واپس ایئرپورٹ کی طرف لے گیا، ایئرلائن کے ایک ترجمان نے بتایا کہ جاپان کی آل نپن ایئرویز کے بوئنگ طیارے کو کاک پٹ کی کھڑکی میں دراڑ کی وجہ سے واپس ایئرپورٹ پر لوٹنا پڑا۔
دروازہ کھلنے کا الرٹ ملنے پر مسافر طیارے کی ایمرجنسی لینڈنگ
حکام کے مطابق ڈومیسٹک فلائٹ میں عملے کے 6 اراکین کے ساتھ مجموعی طور پر 65 لوگ سوار تھے۔ واضح رہے کہ یہ ایک ہفتے کے دوران بوئنگ طیارے کا دوسرا واقعہ ہے، گزشتہ ہفتہ الاسکا ایئرلائنز کے ایک نئے طیارے کا دروازہ ہوا میں اچانک ٹوٹ گیا تھا۔
دوران پرواز مسافر طیارے کا دروازہ کھل گیا، ویڈیو سامنے آگئی
حکام کا کہنا ہے کہ جاپانی طیارے کے واقعے میں کسی بھی مسافر کو کسی طرح کا نقصان پہنچا، ایئرلائنز کے ترجمان نے بتایا کہ دراڑ کی وجہ سے طیارے کا کنٹرول یا دباؤ متاثر نہیں ہوتا۔
