اسلام آباد : انسداد پولیو مہم اورپولیوویکسین کیخلاف سوشل میڈیا پرمواد اپ لوڈ کرنے پاکستان ٹیلی کمیونیکیشن اتھارٹی نے ایک سو چوہتر اکاؤنٹس بند کردئیے گئے ۔
تفصیلات کے مطابق پولیوویکسین اورپولیو مہم کیخلاف سوشل میڈیا استعمال کرنے والوں کیخلاف حکومت نے کریک ڈاؤن شروع کردیا، پاکستان ٹیلی کمیونیکشن اتھارٹی نے پولیو ویکسین کیخلاف مہم چلانے والے ایک سوچوہترسوشل میڈیا اکاؤنٹس بند کردئیے۔
برطانوی نشریاتی ادارے کے مطابق فیس بک کے ایک سوتیس، ٹوئٹرکے چودہ اکاؤنٹس بند کئے گئے جبکہ یوٹیوب کی تیس ویڈیوزبلا ک کی گئیں۔
فیس بک نے انسداد پولیومہم کے لئے حکومت پاکستان کومکمل تعاون کی یقین دہانی کرادی۔
پولیومہم کے لئے فوکل پرسن بابرعطا کا کہنا تھا سوشل میڈیا پرانسداد پولیومہم اورپولیو ویکسین کیخلاف مواد دیکھ کروالدین شبہات کا شکارہوتے ہیں اوربچوں کوپولیوکے قطرے پلانے سے انکارکردیتے ہیں، اس بارے میں مشترکہ لائحہ عمل کی ضرورت ہے، پاکستان میں پولیو ویکسین سے محروم بچوں کی تعداد تین لاکھ اکیس ہزارہے۔
مزید پڑھیں : حکومت کا سوشل میڈیا پر جاری پولیو مہم مخالف پروپیگنڈے پر کریک ڈاؤن کا فیصلہ
یاد رہے رواں سال مارچ میں حکومت پاکستان نے سوشل میڈیا پر انسداد پولیومہم مخالف مواد کے خلاف فوری ایکشن لینے کا فیصلہ کرتے ہوئے فیس بک، یوٹیوب پر انسداد پولیو مہم کے خلاف موجود مواد ہٹانے کے لئے ہنگامی مراسلہ جاری کیا تھا۔
.
اس مراسلے میں چیئرمین پی ٹی اے سے انسداد پولیومخالف مواد پر فوری اقدامات کا مطالبہ کیا گیا تھا.
حکومت کا کہنا تھا کہ پاکستان کو پولیو کے خاتمےمیں والدین کے شدید انکار کا سامنا ہے، فیس بک، یو ٹیوب پر منفی پروپیگنڈا پولیو فری مہم میں رکاوٹ ہے۔
