راولپنڈی: انتظامیہ کی جانب سے پلاسٹک شاپنگ بیگز فروخت کرنیوالوں کیخلاف کریک ڈاؤن کیا گیا ہے، اس دوران ضلعی انتظامیہ نے 1754 کلو پلاسٹک کے تھیلے ضبط کرلئے۔
اے آر وائی نیوز کے مطابق اے سی حاکم خان کا اس حوالے سے کہنا ہے کہ پلاسٹک بیگز فروخت کرنے والے ڈیلرز پر 85 ہزار روپے جرمانہ عائد کیا گیا ہے، پلاسٹک بیگزفروخت کرنیوالے3 ہول سیل ڈیلرز کی دکانیں بھی سیل کردی گئی ہیں۔
حاکم علی کے مطابق 41 ہول سیلرز ڈیلرز نے محکمہ ماحولیات میں رجسٹریشن کرائی ہے، 75 مائیکرون سے کم پلاسٹک شاپنگ بیگز پر پابندی عائد ہے۔
- Advertisement -
شاپنگ بیگزپرپابندی، ہائی کورٹ نے حکومت سے قانون کا مسودہ طلب کرلیا
اُن کا مزید کہنا تھا کہ پلاسٹک شاپنگ بیگز کے استعمال کیخلاف کریک ڈاؤن کا سلسلہ مرحلہ وار جاری رہے گا۔
