سابق آسٹریلوی کپتان ای این چیپل اورمعروف آسٹریلوی کمنٹیٹر مائیک ہیزمین بھی پاکستان کے حق میں بول پڑے۔
تفصیلات کے مطابق نیوزی لینڈ اور انگلینڈ کرکٹ بورڈ کو آج کل دورہ پاکستان کی منسوخی پر سخت تنقید کا سامنا ہے، سابق آسٹریلوی کپتان ای این چیپل اورمعروف آسٹریلوی کمنٹیٹر مائیک ہیزمین بھی پاکستان کے حق میں سامنے آگئے۔
سابق آسٹریلوی کپتان ای این چپیل نے کہا کہ کرونا کے دوران پاکستان نے بے لوث دوسرے ممالک کا دورہ کیا، نیک نیتی سے کھیل جاری رکھا، اس کےباوجود پاکستان کےساتھ نارواسلوک کیا گیا۔
معروف آسٹریلین کمنٹیٹرمائیک ہیزمین نےکہا کہ انگلینڈ کے مشکل وقت میں پاکستان نےساتھ دیا لیکن انہوں نےدورہ نہ کرنے کا شرم ناک فیصلہ کیا، آئی سی سی کو ان معاملات کو دیکھناچاہیے۔
یہ بھی پڑھیں: دورہ پاکستان کی منسوخی پر برطانوی وزیراعظم ناراض
سابق آسٹریلوی کپتان ای این چیپل اورمعروف آسٹریلوی کمنٹیٹر مائیک ہیزمین کا کہنا تھا کہ امن اور کرکٹ کی بحالی کیلئےپاکستان نے ہمیشہ اپنا کردارادا کیا اب دنیا کی باری ہے۔
خیال رہے کہ نیوزی لینڈ اور انگلینڈ کی جانب سے دورہ پاکستان کی منسوخی اس وقت دنیا کی توجہ کا مرکز بنی ہوئی ہے، لیجنڈری کھلاڑیوں نے مذکورہ دونوں ممالک کو شدید تنقید کا نشانہ بنایا ہے۔
