کراچی: قومی کرکٹ ٹیم کے پاور ہٹر بیٹسمین آصف علی نے عمرے کی سعادت حاصل کرلی۔
تفصیلات کے مطابق قومی کرکٹ ٹیم کے ہارڈ ہٹنگ بیٹسمین آصف علی نے عمرے کی سعادت حاصل کرلی، انہوں نے سماجی رابطے کی ویب سائٹ ٹویٹر پر مداحوں کو عمرے کی ادائیگی کی اطلاع دی۔
تصاویر میں دیکھا جاسکتا ہے کہ آصف علی اپنی اہلیہ کے ہمراہ خانہ کعبہ کے پاس موجود ہیں، قومی کرکٹر نے لکھا کہ ’اللہ کا بہت کرم ہے کے اس نے اپنے گھر بلایا اور عمرہ ادا کرنے کا موقع دیا۔
Allah ka bohat karam hai keh uss ne apnay ghar bulaya aur umrah karne ka mauqa dia 🕋 pic.twitter.com/91qajdZyrZ
— Asif Ali (@AasifAli2018) January 27, 2020
آصف علی کو قومی ٹیم کے کرکٹرز اور مداحوں کی جانب سے عمرے کی ادائیگی پر مبارک باد دی جارہی ہے اور دعا میں یاد رکھنے کی درخواست کی جارہی ہے۔
واضح رہے کہ کرکٹر آصف علی پاکستان سپر لیگ میں اسلام آباد یونائیٹڈ کی نمائندگی کررہے ہیں، وہ 20 فروری سے شروع ہونے والے پی ایس ایل میں ایکشن میں دکھائی دیں گے۔
آصف علی کو آسٹریلیا اور سری لنکا کے خلاف ناقص پرفارمنس کی وجہ سے پاکستان اور بنگلہ دیش کے درمیان سیریز سے ڈراپ کردیا گیا تھا۔
یاد رہے کہ کرکٹر آصف علی کی ننھی بیٹی گزشتہ برس کینسر کی جنگ لڑتے ہوئے زندگی کی بازی ہار گئی تھیں۔