The news is by your side.

Advertisement

کرکٹ کی دنیا کے مایہ ناز کھلاڑی چل بسے

سڈنی : آسٹریلیا کے سابق آل راؤنڈر گریم واٹسن انتقال کرگئے، مڈل آرڈر بیٹسمین کینسر کے عارضے میں مبتلا تھے۔

تفصیلات کے مطابق کینسر سے برسرپیکار آسٹریلیا کے سابق آل راؤنڈر گریم واٹسن کا انتقال ہو گیا ہے، ان کی عمر 75 سال تھی، وہ گزشتہ کافی عرصے سے کینسر جیسے موذی مرض سے نبرد آزما تھے۔

مڈل آرڈر کے بلے باز اور میڈیم پیسر واٹسن نے آسٹریلیا کے لئے 1967 سے 1972 تک پانچ ٹیسٹ اور 1972 میں دو ون ڈے میچ کھیلے تھے۔ انہوں نے اپنا گھریلو کیریئر وکٹوریہ میں شروع کیا تھا۔

وہ اپنے کیریئر کے دوران انجری سے پریشان رہے تھے، انہوں نے 107 فرسٹ کلاس میچ کھیلے تھے اور انہوں نے اپنا آخری فرسٹ کلاس میچ 1977 میں کھیلا تھا۔

مزید پڑھیں : نامور کرکٹر کا سوتے میں انتقال

واضح رہے کہ رواں ماہ بھارت کے لیجنڈ کرکٹر والٹر ڈیسوزا بھی گزشتہ روز جہان فانی سے کوچ کرگئے، ان کی عمر93سال تھی، وہ رات کو سوئے اور اسی حالت میں دنیا کو الوداع کہہ گئے۔

ڈیسوزا سب سے عمر دراز فرسٹ کلاس کرکٹر تھے، انہوں نے گجرات اور اے سی سی کے لئے کھیلا ہے اور اندور میں ہولکر ٹیم کے خلاف گجرات کے لئے 1950-51 میں رنجی ٹرافی کا فائنل کھیلا تھا۔

Comments

یہ بھی پڑھیں