ممبئی: کرکٹرز نے بالی وڈ کے ’مسٹر پرفیکشنسٹ‘ عامر خان کی آج ریلیز ہونے والی فلم ’لال سنگھ چڈھا‘ کی تعریفوں کے پُل باندھ دیے۔
غیر ملکی میڈیا کے مطابق ’لال سنگھ چڈھا‘ کو آج 11 اگست کو سنیما گھروں میں نمائش کے لیے پیش کر دیا گیا۔ فلم کے خلاف کچھ سوشل میڈیا صارفین نے بائیکاٹ مہم بھی چلائی ہے۔
مزید پڑھیں: ’فلم کی ریلیز سے گھبرایا ہوا ہوں، 48 گھنٹوں سے نہیں سویا‘
ٹوئٹر پر بھارت کے سابق آل راؤنڈر عرفان پٹھان نے لکھا: ’لال سنگھ چڈھا دیکھ کر مزہ آگیا۔ فلم دیکھنے پر آپ کو بھی اچھائی سے پیار ہو جائے گا۔ عامر خان نے ہر بار کی طرح پرفیکشن کے ساتھ کردار نبھایا‘۔
Had fun watching the movie #LalSinghChaddha Lal will make you fall in love with his goodness. Amir khan as always has played the character with Perfection. Well done @AKPPL_Official on such a feel good movie.
— Irfan Pathan (@IrfanPathan) August 11, 2022
سابق کرکٹر آکاش چوپڑا نے فلم کے بارے میں لکھا: ’کل رات لال سنگھ چڈھا دیکھی جس میں عامر خان نے شاندار کارکردگی دکھائی۔ جیسے جیسے فلم آگے بڑھے گی آپ کو اس سے پیار ہو جائے گا‘۔
Saw #LaalSinghChaddha last night. What an epic performance by Aamir…one of his finest (and that says a lot for someone with the body of work that he has…Lagaan, Gajni, Dangal etc.). The film grows on you & you fall in love wid Laal Singh. Wishing @AKPPL_Official all the best 🤗
— Aakash Chopra (@cricketaakash) August 11, 2022
دونوں کرکٹرز نے عامر خان پروڈکشن ہاؤس کو فلم بنانے پر مبارکباد بھی پیش کی۔
ادھر بالی وڈ کی معروف اداکارہ سشمیتا سین نے ٹوئٹر پر ’لال سنگھ چڈھا‘ کی تعریف کی۔ اداکارہ نے لکھا: ’کیا خوبصورت کارکردگی دکھائی ہے۔ پوری ٹیم کو مبارکباد دیتی ہوں۔ فلم دیکھ کر بہت مزہ آیا‘۔
What a treat of beautiful performances!! 🤗👏❤️ Congratulations to the entire team #LaalSinghChaddha loved watching the film!! 💃🏻 pic.twitter.com/NTZiM05EkZ
— sushmita sen (@thesushmitasen) August 10, 2022
