بلبل ہند کے نام سے مشہور لتا منگیشکر کی آخری رسومات میں شریک شاہ رخ خان پر ہندو انتہا پسندوں کی تنقید پر ان کی ساتھی اداکارہ ارمیلا ماتونڈکر کنگ خان کی حمایت میں سامنے آگئیں۔
گزشتہ روز انتقال کرجانے والی لتا منگیشکر کی آخری رسومات میں بالی ووڈ کنگ شاہ رخ بھی شریک ہوئے انہوں نے دعا کے بعد لتا کی ارتھی پر پھونک ماری تو ہندوانتہا پسند آپے سے باہر ہوگئے اور شاہ رخ پر لتا کی ارتھی پر تھوکنے کا الزام عائد کیا۔
اس واقعے کے بعد ماضی کی نامور اداکارہ وسیاستدان ارمیلا ماتونڈکر کھل اپنے ساتھی اداکار کی حمایت میں میدان میں آگئیں۔
بھارتی میڈیا کے مطابق انہوں نے اس واقعے پر ہونے والی تنقید پر کھل کر کہا کہ ’’ہم بطور معاشرہ بہت بگڑ چکے ہیں اور سیاست بہت نچلی سطح پر آگئی ہے جو واقعی افسوسناک ہے۔‘‘
Urmila Matondkar reacts to people accusing Shah Rukh Khan of ‘spitting’ at Lata Mangeshkar’s mortal remains https://t.co/8PUPxKbDA0
— tellusdaily (@tellusdaily1) February 7, 2022
ارمیلا نے اپنے ٹوئٹر اکاؤنٹ پر مزید لکھا کہ یہ سب کچھ ہم ایک ایسے اداکار کے بارے میں کہہ رہے ہیں جس نے مختلف بین الاقوامی پلیٹ فارمز پر ملک کی نمائندگی کی۔
Apart from being a #Legend an exemplary life of a #Daughter of #India who showed us what a daughter can achieve n stand tall for the entire #family 🙏🏻#RIPLataMangeshkar
सबको सन्मती दे भगवान 🙏🏻 pic.twitter.com/jYQ1gea4U8— Urmila Matondkar (@UrmilaMatondkar) February 6, 2022
اس موقع پر ارمیلا نے لتا منگیشکر کی موت پر افسوس کا اظہار کرتے ہوئے ٹوئٹر پر اپنی پوسٹ کے ساتھ ’’اللہ تیرا نام‘‘ گانے کا ویڈیو کلپ بھی شیئر کیا۔
واضح رہے کہ لتامنگیشکر کی آخری رسومات میں شریک شاہ رخ خان نے دعا کرنے کے بعد لتا کی ارتھی پر پھونک ماری تھی جس کے بعد بھارت بھر میں شور اٹھ گیا۔
انتہا پسندوں نے شاہ رخ پر لتا کی ارتھی پر تھوکنے کا شرمناک الزام عائد کیا اور پھر مسلم مخالف بیانات کا سلسلہ شروع ہوگیا، تاہم اس موقع پر کئی لوگوں نے شاہ رخ کی حمایت بھی کی۔
