جدہ: سعودی ولی عہد محمد بن سلمان اور کھرب پتی شہزادے الولید بن طلال کے درمیان دوستی ہوگئی۔
عرب میڈیا کے مطابق سعودی عرب میں ولی عہد محمد بن سلمان کے اقتدار میں آنے کے بعد ان کے حکم پر کرپشن کے الزام میں گرفتار کیے گئے کھرب پتی شہزادے الولید بن طلال اور سعودی ولی عہد کی دوستی ہوگئی ہے، دونوں شخصیات نے ملاقات بھی کی ہے۔
عرب میڈیا کے مطابق دونوں شہزادوں نے ملاقات کی اور نجی شعبے کے مستقبل اور وژن 2030 کی کامیابی میں کردار ادا کرنے کے حوالے سے تبادلہ خیال کیا گیا۔
شہزادہ الولید بن طلال نے سماجی رابطے کی ویب سائٹ ٹویٹر پر اپنے پیغام میں کہا ہے کہ یہ میرے لیے فخر کی بات ہے کہ میں نے سعودی ولی عہد محمد بن سلمان سے ملاقات کی اور نجی شعبے کے مستقبل سمیت کامیاب وژن 2030 پر بات چیت کی، انہوں نے کہا کہ میں وژن 2030 کے سب سے بڑے حامیوں میں سے ایک ہوں۔
I was honoured to meet with my brother HRH the Crown Prince and to discuss economic matters and the private sector's future & role in #Vision2030 success.
I shall be one of the biggest supporters of the Vision through @Kingdom_KHC & all its affiliates. pic.twitter.com/wgIBqR8E9D
— الوليد بن طلال (@Alwaleed_Talal) July 12, 2018
واضح رہے کہ گزشتہ برس نومبر میں سعودی ولی عہد شہزادہ محمد بن سلمان نے کرپشن کے خلاف بڑے پیمانے پر کریک ڈاؤن کرتے ہوئے 10 سے زائد شہزادوں اور درجنوں سابق اور موجودہ وزرا کو گرفتار کرلیا تھا جن میں شہزادہ الولید بن طلال بھی شامل تھے۔
خیال رہے کہ یہ خبریں بھی سامنے آئی تھیں کہ سعودی شہزادے ولید بن طلال کو 6 ارب ڈالرز میں رہائی کی پیش کش کی گئی تھی، اس پیش کش کے بعد جنوری میں سعودی حکام کی جانب سے کرپشن کے الزام میں گرفتار امیر ترین شہزادے ولید بن طلال کو رہا کردیا گیا تھا۔
