The news is by your side.

Advertisement

خام تیل کی قیمتوں میں مسلسل اضافہ

یوکرین پر روسی حملے کے بعد خام تیل کی قیمتوں میں مسلسل اضافہ جاری ہے، برینٹ خام تیل 102.14 ڈالر پر ٹریڈ کر رہا ہے۔

بین الاقوامی میڈیا کے مطابق عالمی منڈی میں خام تیل کی قیمتوں میں اضافے کا سلسلہ جاری ہے، ڈبلیو ٹی آئی خام تیل کی قیمت 96.17 ڈالر پر آگئی۔

غیر ملکی میڈیا رپورٹ کے مطابق برینٹ خام تیل 102.14 ڈالر پر ٹریڈ ہو رہا ہے۔

خیال رہے کہ یوکرین پر روسی حملے کے بعد عالمی منڈی میں تیل کی قیمتیں آسمان کو چھو رہی ہیں اور سات سال بعد خام تیل کی فی بیرل قیمت 100 ڈالر سے تجاوز کر چکی ہے۔

روسی حملے کے بعد برینٹ خام تیل کی قیمت ستمبر 2004 کے بعد 103.78 ڈالر ہوچکی ہے۔

خیال رہے روس تیل پیدا کرنے والا دنیا کا دوسرا بڑا ملک ہے، جو بنیادی طور پر یورپی ریفائنریز کو خام تیل فروخت کرتا ہے۔

اس کے علاوہ یورپ کو قدرتی گیس کا سب سے بڑا فراہم کنندہ بھی روس ہی ہے، جو اس کی سپلائی کا تقریباً 35 فیصد فراہم کرتا ہے، جنگ کی وجہ سے یورپ میں تیل اور گیس کی سپلائی متاثر ہو سکتی ہے۔

Comments

یہ بھی پڑھیں