عالمی منڈی میں خام تیل کی قیمتوں میں مزید کمی آ گئی ہے۔
غیر ملکی میڈیا کے مطابق انٹرنیشنل خام تیل کی قیمتوں میں مزید کمی آ گئی ہے، برینٹ خام تیل 3 ڈالر 85 سینٹ کمی سے 103.50 ڈالر فی بیرل پر آ گیا۔
ڈبلیو ٹی آئی خام تیل کی قیمت 3 ڈالر 54 سینٹ کم ہو کر 99.06 ڈالر پر آ گئی۔
- Advertisement -
واضح رہے کہ خام تیل کی قیمتیں پچھلے مہینے سے 20 ڈالر سے زیادہ نیچے آ چکی ہیں، لیکن دوسری جانب پمپوں پر قیمتیں اب بھی زیادہ ہیں۔
معاشی ماہرین کا کہنا ہے کہ خام تیل کی قیمت 101.65 کی سطح کو توڑنے اور اسے نیچے ہی رکھنے میں کامیاب رہی ہے، اور آج سے مزید مندی کے رجحان کی توقع ہے۔
ماہرین کا کہنا ہے کہ خام تیل کی قیمتیں ان کے متوقع منفی ہدف 98.95 تک آ جائیں گی، اور پھر اس سطح کو عبور کر کے 96.00 کی طرف جانے کی توقع ہے، جب کہ اگلا منفی ہدف 89.80 ہے۔
