چمن : پاک افغان سرحد پر سی ٹی ڈی نے کامیاب کارروائی کرتے ہوئے کالعدم تنظیم کے4دہشت گردوں کو موت کی نیند سلا دیا۔
اس حوالے سے ترجمان سی ٹی ڈی کا کہنا ہے کہ سی ٹی ڈی بلوچستان کے اہلکاروں نے کامیاب آپریشن کیا، دہشت گردوں کا تعلق کالعدم ٹی ٹی پی، ٹی جے پی سے تھا۔
ہلاک ہونے والے دہشت گرد ایف سی مسلم باغ ہیڈ کوارٹر پر حملے میں ملوث تھے، اس کے علاوہ قلعہ عبداللہ گرڈ اسٹیشن پولیس اہلکار کی ٹارگٹ کلنگ میں ملوث تھے۔
ہلاک دہشت گردوں کے قبضے سے خودکش جیکٹ، آٹومیٹک رائفلز، دستی بم، گولہ بارود برآمد ہوا، سی ٹی ڈی نے گرفتار ملزم علی محمد عرف چھوٹا قاری کی نشاندہی پر کارروائی کی۔
نشاندہی پر پاک افغان سرحد پر گہوری کہول میں دہشت گردوں کے ٹھکانہ پر کارروائی کی، دوران آپریشن شدید فائرنگ کا تبادلہ، ایک خودکش حملہ آور کو اسناپیر نے ہلاک کیا۔
آپریشن میں علی محمد عرف چھوٹا قاری سمیت 4دہشت گرد ہلاک ہوئے، دہشت گردوں کے قبضے سے مسلم باغ واقعے میں استعمال ہونے والی کار بھی برآمد کرلی گئی ہے، واقعے کا مقدمہ تھانہ سی ٹی ڈی کوئٹہ میں مقدمہ درج کرلیا گیا ہے۔
