کراچی: سندھ پولیس کے کاؤنٹر ٹیررازم ڈیپارٹمنٹ (سی ٹی ڈی) نے متعدد واردات کا ملوث ماسٹر مائنڈ ملزم کو گرفتار کرلیا۔
اے آر وائی نیوز کے مطابق پاک کالونی میں شاہین فورس کے اہلکار نہال سمیت دہرے قتل کے واقعے میں ملوث ملزم زاہد چنا کو کورنگی کے علاقے سے کارروائی کے دروان گرفتار کیا گیا۔
سی ٹی ڈی کے مطابق 19 اکتوبر کو کو کراچی کے پاک کالونی کے علاقے بڑا بورڈ کے قریب ڈکیتی کے دوران فائرنگ کا واقعہ پیش آیا تھا، ملزم نے بینک سے رقم لے کر نکلنے والے شہری کو لوٹ رہا تھا کہ شاہین فورس موقع پر پہنچی اور ملزمان کو گرفتار کرنا چاہا۔
سی ٹی ڈی نے بتایا کہ لیکن ملزم نے فائرنگ کی جس سے شاہین فورس کا اہلکار نہال شدید زخمی اور شہری شہید ہوگیا بعدازاں اہلکار نہال بھی شہید ہوگیا تھا۔
انچارج سی ٹی ڈی چوہدری صفدر نے بتایا کہ گرفتار ملزم زاہد چنا اس روز بینک کے اندر موجود تھا، ملزم نے فون کے ذریعے شہری کے رقم لے کر نکلنے کا بتایا، واردات کی پلاننگ گرفتار ملزم زاہد چنانے بنائی تھی۔
سی ٹی ڈی کا کہنا ہے کہ زاہد چنا پہلے بھی متعدد مرتبہ گرفتار ہو کر جیل جاچکا ہے، گرفتار ملزم کومزید تفتیش کے لیے پولیس کے حوالے کیا جارہا ہے۔
