کراچی : سی ٹی ڈی سندھ نے انٹیلی جنس بیسڈ آپریشن کرتے ہوئے کالعدم بی ایل اے کا دہشتگرد گرفتار کرلیا، جو ساتھی دہشتگرد کے ساتھ مل کر کراچی میں بی ایل اے کے دہشت گردوں کو سہولیات فراہم کیا کرتا تھا۔
تفصیلات کے مطابق کراچی کے علاقے سعیدآباد میں سی ٹی ڈی سندھ نے انٹیلی جنس بیسڈ آپریشن کیا اور کالعدم بی ایل اے کے دہشت گرد داہن عرف آصف چکنا کو گرفتار کرلیا۔
ترجمان نے بتایا کہ سی ٹی ڈی سندھ کو خفیہ ذرائع سے دہشت گرد کی اطلاع ملی تھی، آپریشن کے دوران دہشت گرد کے قبضے سے غیر قانونی اسلحہ بھی برآمد ہوا۔
سی ٹی ڈی سندھ کا کہنا تھا کہ داہن اورشفیع کالعدم بی ایل اےدہشتگردوں کوکراچی میں سہولیات فراہم کرتےہیں اور دہشتگرد گرفتاری سےبچنےکیلئےحب بلوچستان میں روپوش رہتےہیں،ترجمان
حکام نے کہا کہ دہشتگرد داہن عرف آصف چکنا اور شفیع قریبی ساتھی ہیں ، شفیع کالعدم بی ایل اےکےدہشتگردبہادرپی ایم ٹی کابیٹاہے۔
سی ٹی ڈی نے مزید بتایا کہ بہادرپی ایم ٹی پڑوسی ملک سےکالعدم بی ایل اےکاسلیپرسیل چلارہاہے، بہادرپی ایم ٹی،سی ٹی ڈی کی ریڈبک میں بھی مطلوب ہے تاہم محمد شفیع کی گرفتاری کیلئے ٹیمیں حب روانہ کی جارہی ہے۔
ترجمان کے مطابق گرفتار دہشتگردقتل،اقدام قتل،پولیس مقابلےمیں گرفتارہوکرجیل جاچکا ہے تاہم دہشت گرد سے مزید تفتیش کا عمل جاری، ہے ، جس میں اہم انکشافات متوقع ہیں۔
