کراچی: انسدادَ دہشت گردی ڈپارٹمنٹ نے مختلف کارروائیوں میں تین ٹارگٹ کلرزاوران کے معاونین کوگرفتارکرلیا ہے۔
ایس ایس پی جنید شیخ کے مطابق خفیہ اطلاع پرکارروائی کے دوران سیاسی جماعت کے دو ٹارگٹ کلرزکوگرفتار کیا گیا۔
پولیس کاکہنا ہے کہ ملزم کامران بارہ افراد کی ٹارگٹ کلنگ میں ملوث ہے اور بھارت سے دہشتگردی کی ٹریننگ لے چکا ہے جبکہ خاور پانچ افراد کے قتل میں ملوث ہے، ملزم خاور ٹارگٹ کلرز کو پناہ گاہیں فراہم کرنے اور ملزمان کے لئے ٹارگٹ کی ریکی سمیت جلاو گھیراو میں بھی ملوث ہے۔
ایک اورکارروائی میں گرفتار ملزم یامین پولیس اہلکار سمیت 35 افراد کے قتل میں ملوث ہے، ملزمان کے قبضے سے 3 پستول، ایک کلاشنکوف اورایک رائفل برآمد کی گئی ہے۔
