لاہور: محکمۂ انسدادِ دہشت گردی (سی ٹی ڈی) نے ساہیوال میں کارروائی کرتے ہوئے کالعدم تنظیم ٹی ٹی پی کے دہشت گرد کو گرفتار کرلیا۔
تفصیلات کے مطابق ترجمان محکمۂ انسدادِ دہشت گردی (سی ٹی ڈی) نے ساہیوال میں بونگہ حیات روڈ پر کارروائی کرتے ہوئے ایک دہشت گرد کو گرفتار کر کے بارودی مواد برآمد کر لیا۔
ترجمان محکمۂ انسدادِ دہشت گردی کے مطابق گرفتار دہشت گرد سے ایک جزوی تیار شدہ آئی ای ڈی، دو پرائما کارڈ اور ایک ڈیٹونیٹر برآمد کیا گیا ہے۔
ترجمان کے مطابق دہشت گردکی شناخت اسامہ فاروق سےنام سے ہوئی جس کا تعلق جام پور سے ہے،گرفتار دہشت گرد کا تعلق کالعدم تحریک طالبان پاکستان (ٹی ٹی پی) سے ہے۔
سی ٹی ڈی نے مقدمہ درج کرکے کارروائی شروع کردی ہے۔
Comments
- Advertisement -
