پشاور: صوبہ خیبر پختونخواہ کے محکمہ انسداد دہشت گردی (سی ٹی ڈی) نے سوات میں کارروائی کرتے ہوئے دہشت گردی کا منصوبہ ناکام بنا دیا، کارروائی میں 2 دہشت گرد مارے گئے۔
تفصیلات کے مطابق سی ٹی ڈی پختونخواہ نے سوات میں دہشت گردی کا منصوبہ ناکام بنا دیا، سی ٹی ڈی، پولیس اور سیکیورٹی فورسز نے رحیم آباد سوات میں کارروائی کی۔
سی ٹی ڈی حکام کا کہنا ہے کہ کارروائی میں 2 دہشت گرد ہلاک ہوئے، دونوں دہشت گردوں کا تعلق کالعدم تحریک طالبان پاکستان (ٹی ٹی پی) سے تھا۔
- Advertisement -
حکام کا کہنا تھا کہ 1 دہشت گرد افغانستان سے بم بنانے کی تربیت حاصل کر کے آیا تھا۔
دہشت گردوں کے خلاف کارروائی کے دوران فائرنگ کے تبادلے میں ایک افسر اور 3 سپاہی زخمی بھی ہوئے۔
