The news is by your side.

Advertisement

کراچی ماڑی پور آپریشن: ہلاک دہشت گرد اللہ ڈنو صدر دھماکے کا مرکزی کردار نکلا

کراچی : حساس ادارے اور سی ٹی ڈی کے مشترکہ آپریشن میں مارا گیا دہشت گرد اللہ ڈنو صدر دھماکے کا مرکزی کردار نکلا۔

تفصیلات کے مطابق کراچی ماڑی پور میں حساس ادارے اور سی ٹی ڈی کے مشترکہ آپریشن میں مارا گیا دہشت گرد صدر دھماکے کا مرکزی کردار نکلا۔

سی ٹی ڈی ذرائع نے کہا کہ اللہ ڈنو کو صدر دھماکے کی سی سی ٹی وی فوٹیجز سے شناخت کرلیا گیا، اللہ ڈنو ہی بارود سے بھری سائیکل صدر لایا اور ریموٹ سے دھماکہ کیا۔

ذرائع کا کہنا تھا کہ کالعدم ایس آر اے کے دہشت گرد اللہ ڈنو اور نواب کا تعلق تھرپارکر سے ہے،اللہ ڈنو کو ریموٹ کنٹرول سے دھماکہ کرنے والی فوٹیج میں شناخت کیا گیا۔

سی ٹی ڈی ذرائع کے مطابق ملزم اپنے ساتھی کے ہمراہ آج دہشت گردی کی کارروائی کی تیاری کررہا تھا، حساس ادارے کی ٹیم نے سی ٹی ڈی کے ہمراہ ملزمان کو گرفتار کرنا چاہا تو مقابلہ ہوگیا۔

ذرائع نے بتایا کہ ہلاک ملزم قوم پرست پارٹی کا مرکزی رکن بھی تھا، ویڈیو میں ہلاک دہشتگرد کو سائیکل رکھتے اورمشکوک حرکات کرتے دیکھا جاسکتا ہے۔

Comments

یہ بھی پڑھیں