site
stats
عالمی خبریں

مقبوضہ کشمیرمیں بھارتی مظالم : کرفیو آٹھویں روزمیں داخل

سری نگر : مقبوضہ کشمیر میں بھارتی فوج کے ظلم و بربریت کا سلسلہ جاری ہے، کرفیو آٹھویں روز میں داخل ہوگیا۔ تحریک آزادی کو کچلنے کیلئے ٹی وی کی نشریات بند کردی گئیں۔

KASHMIR POST 1

 

اخبارات کے دفاتر سیل اورکاپیاں ضبط کرلی گئیں۔ تفصیلات کے مطابق نہتے کشمیریوں پربھارتی فوج کی دہشت گردی جاری ہے، مقبوضہ جموں و کشمیر میں کشیدگی آٹھویں روز میں داخل ہوگئی۔

KASHMIR POST 2

طاقت کے بے دریغ استعمال سے اڑتیس کشمیری شہید اور سینکڑوں زخمی ہوچکے ہیں، بھارتی فوج نے اپنے مظالم پر پردہ ڈالنے کیلئے اخباری دفاتر پردھاوا بول کرہزاروں کاپیاں قبضے میں لے لیں۔

KASHMIR POST 3

پرنٹنگ پریس بند کرادیئے اورصحافیوں کو گرفتار کرلیا۔ انٹرنیٹ اور موبائل فونز سروس پہلے ہی بند کردی گئی تھیں۔ ٹی وی نشریات بھی بند کردی گئی تاکہ پاکستانی چینل کی نشریات نہ دیکھی جاسکیں۔

کرفیو کے باوجود بھارتی اور کشمیری جوانوں کے درمیان جھڑپیں ہوئیں ۔حریت رہنماؤں کوگھروں میں نظر بند کر دیا گیا ہے۔

KASHMIR POST 4

 

رہنماؤں کو گزشتہ روز نماز جمعہ کی ادائیگی سےبھی روک دیا گیا تھا۔ نہتے کشمیریوں کی شہادت پرحریت رہنماؤں نے مزید تین دن ہڑتال کی کال دیدی۔ حریت رہنماؤں نے پاکستانی حکومت اور عوام کے اظہار یکجہتی پر شکریہ ادا کیا ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top