کراچی: سی ویو سے نیم بے ہوشی کی حالت میں ملنے والی لڑکی کے کیس میں ڈرامائی موڑ آگیا.
تفصیلات کے مطابق درخشاں پولیس نے مبینہ زیادتی میں ملوث ملزم کو کورنگی سے گرفتار کر لیا.
مبینہ زیادتی کا شکار لڑکی نے گرفتار ملزم کو شناخت کر لیا، پولیس کا کہنا ہے کہ ڈی این اے ٹیسٹ کے لیے ملزم کا نمونہ حاصل کیا جائے گا.
سی ویو پر ایک ریسٹورنٹ کے نزدیک اتوار کے روز ایک لڑکی نیم بے ہوشی کے حالت میں ملی، جسے فوری جناح اسپتال منتقل کیا گیا، جہاں اسے طبی امداد دی گئی.
بعد ازاں پولیس نے لڑکی کے بیان کی روشنی میں نامزد ملزمان کے خلاف مقدمہ درج کر کے ملزم کو گرفتار کر لیا۔
لڑکی نے الزام لگایا کہ ملزمان نے نشہ آور اشیا کھلا کر زیادتی کی کوشش کی تھی. پولیس کے مطابق لڑکی کا آبائی تعلق پنجاب سے ہے، وہ روزگار کے سلسلے میں کراچی آئی ہوئی تھی.
مزید پڑھیں: جرمن دوشیزہ جنسی زیادتی کا شکار، کم عمر ملزمان گرفتار
ہفتہ کی رات 9 بجے اس کی سہیلی اپنے ایک کے دوست کے ساتھ آئی، ساتھ کھانا کھایا، اس دوران موقع پاکر کوئی نشہ آور شے کھانے میں ملا دیں، جس سے اس پر غنودگی طاری ہوگئی۔
ایسے میں ملزم نے زیادتی کی کوشش کی، مزاحمت پر اس پر شدید تشدد کیا گیا اور سی وی پر پھینک دیا گیا۔
مرکزی ملزم کو گرفتار کر لیا گیا ہے، جب کہ اس کی دوست کی گرفتاری لیے چھاپے مارے جارہے ہیں.
