بیپر جوائے سندھ کے مختلف علاقوں میں جاتے جاتے بارش برسا گیا، محکمہ موسمیات نے گزشتہ 24 گھنٹے کے دوران سندھ بھر میں بارشوں کے اعداد و شمار جاری کردیئے۔
تھرپارکر کی ساحلی پٹی سمیت ضلع کے مختلف علاقوں میں تیز ہواؤں کے ساتھ بارش کا سلسلہ جاری ہے، بارش سے نشیبی علاقے زیر آب آگئے مٹھی سول اسپتال کے اطراف بھی بارش کا پانی جمع ہوگیا۔
ٹھٹہ بدین، سجاول اور کیٹی بندر میں بھی بارش سے جل تھل ایک ہوگیا، سندھ کے ماہی گیروں کو آج بھی سمندر میں نہ جانے کی ہدایت کی گئی ہے۔
اب تک سب سے زیادہ بارش سب سےزیادہ ننگر پارکر میں 269 ملی میٹر بارش ریکارڈ کی گئی۔
محکمہ موسمیات کی جاری کردہ اعداد و شمار کے مطابق ڈیپلو میں 175 ملی میٹر ، بدین میں 24.2، مٹھی میں 196 اور اسلام کورٹ میں 143 ملی میٹر بارش ریکارڈ کی گئی ہے۔
اعداد و شمار کے مطابق کالائی میں 80، چھا چھرو میں 44، چھور میں 28.5 ڈالہی میں 25، حیدر آباد سٹی میں 10، ٹھٹھہ میں 5 ملی میٹر بارش ریکارڈ کی گئی۔
محکمہ موسمیات کے اعداد و شمار کے مطابق سب سےکم حیدرآباد ایئرپورٹ پر4 ملی میٹر بارش ریکارڈ کی گئی۔
