نئی دہلی : سمندری طوفان فانی بھارت کے مشرقی علاقوں سے ٹکراگیا، طوفانی ہواؤں کے ساتھ تیز بارشوں کا سلسلہ بھی جاری ہے۔
تفصیلات کے مطابق بھارت میں سمندری خطرانک طوفان فانی بھارت کے مشرقی علاقوں سے ٹکرا گیا، لاکھوں افراد کے متاثر ہونے کا خدشہ ہے، مشرقی ریاست اڑیسا سے تقریباً دس لاکھ افراد کو نکال لیا گیا ہے۔
بھارتی محکمہ موسمیات نے گزشتہ روز پیش گوئی کی تھی کہ 3 اپریل بروز جمعے کو فانی نامی انتہائی خطرناک سمندری طوفان ریاست اڑیسا سے ٹکرائے گا۔
بھارتی میڈیا کا کہنا تھا کہ طوفان کے ساتھ 200 کلومیٹر فی گھنٹہ کی رفتار سے تیز ہوائیں بھی چل ریی ہیں جن میں اضافہ متوقع ہے۔
خبر رساں ادارے کا کہنا تھا کہ ریاستی ریلیف ڈیپارٹمنٹ کےمطابق اڑیسا کے 13اضلاع سے دس لاکھ افراد کا انخلا مکمل ہوگیا ہے۔
بھارتی حکام نے خطرے کے پیش نظر اڑیسا، آندھرا پردیش اور مغربی بنگال میں اسکول، کالج و یونیورسٹیز بند کردی گئی ہیں جبکہ ٹرینیں بھی منسوخ کردی گئیں ہیں۔
غیر ملکی خبر رساں ادارے کا کہناتھا کہ بھارتی حکام نے اڑیسا کا بھونیشور ایئرپورٹ اور مغربی بنگال میں کولکتہ ایئر پورٹ بند کردیا گیا ہے۔
ریاستی حکام نے بندرگاہیں بھی بند کر دی گئیں، ماہی گیروں کو سمندر سے نکال لیا گیا جبکہ نشیبی علاقوں کو خالی کر لیا گیا ہے۔
مزید پڑھیں: دبئی آئندہ دو روز گرد کے طوفان کی لپیٹ میں رہے گا
بھارتی محکمہ موسمیات کی جانب سے اڑیسا کے ساتھ ساتھ تامل ناڈو اور اتر پردیش میں بھی خطرے کی گھنٹی بجائی ہے۔
خبر رساں اداروں کے مطابق بھارت کے مشرقی ساحلی علاقے سے لاکھوں افراد کو سمندری طوفان سے قبل محفوظ مقامات پر منتقل کر دیا گیا ہے۔
فانی کا سبب بحر ہند میں ہوا کا کم دباؤ ہے، جس کے باعث سمندری طوفان کے ساتھ تیز بارشوں کا اندیشہ ہے۔
