بلانٹائر: ملاوی، موزمبیق اور مڈغاسکر میں طوفان فریڈی کی تباہ کاریوں سے درجنوں افراد ہلاک ہو گئے۔
غیر ملکی میڈیا رپورٹس کے مطابق افریقی ملک ملاوی، موزمبیق اور مڈغاسکر میں سمندری طوفان فریڈی نے تباہی مچا دی، 136 افراد ہلاک ہو گئے، طوفانی ہواؤں سے سیکڑوں مکانات کی چھتیں اڑ گئیں۔
الجزیرہ کے مطابق ورلڈ میٹرولوجیکل آرگنائزیشن کا کہنا ہے کہ یہ طوفان جنوبی نصف کرہ میں ریکارڈ کیے گئے طاقت ور ترین طوفانوں میں سے ایک ہے، جو دوسری بار جنوبی افریقہ سے ٹکرایا ہے۔
Schools are being shut down in Malawi over safety concerns … Cyclone Freddy wreaked havoc in Mozambique 💔#CycloneFreddy pic.twitter.com/KLRJ3cKA7e
— Peché Africa 🇿🇦 (@pmcafrica) March 14, 2023
روئٹرز نے لکھا کہ موزمبیق اور ملاوی نے پیر کے روز ٹراپیکل طوفان فریڈی کی قیمت چُکائی، جس میں 100 سے زائد افراد ہلاک، متعدد زخمی ہوئے اور طوفان نے اپنے پیچھے تباہی کے زبردست نشانات چھوڑے، اس طوفان نے ایک ماہ میں دوسری بار جنوبی افریقہ کو چیر کر رکھ دیا ہے۔
Impact of Tropical Cyclone Freddy being felt. Water levels are high in most southern districts’ rivers. Below is Thuchira River at Kambenje, the boundary between Mulanje and Phalombe districts, down stream is flooding already, as the rains associated with wind continue pouring. pic.twitter.com/sVg82ODZ1e
— Malawi Red Cross Society (@MalawiRedCross) March 12, 2023
ورلڈ میٹرولوجیکل آرگنائزیشن کے مطابق یہ طوفان سب سے زیادہ دیر تک چلنے والا ٹراپیکل طوفان ہے۔
طوفانی بارشوں نے ہفتے کے روز وسطی موزمبیق کو بری طرح گھیرے رکھا، جس سے سیکڑوں عمارتوں کی چھتیں اڑ گئیں، اس کے بعد ملاوی کی طرف اندرون ملک جانے سے پہلے کوئلیمانے کی بندرگاہ کے ارد گرد اس طوفان کی وجہ سے بڑے پیمانے کا سیلاب آیا، جہاں یہ طوفانی بارشوں کا سبب بنا اور اس کی وجہ سے لینڈ سلائیڈنگ ہوئی۔
More than 70 confirmed dead. Lord have mercy on your people . Cyclone Freddy has caused serious damage. Let’s join hands as a country to assist those affected. Sleepless night, pic.twitter.com/O0D3ZUj1xD
— Rev Fr Petros Mwale (@fr_petros) March 13, 2023
ملاوی میں بہت سے گھر ٹین کی چھتوں والے اور مٹی کے ہیں، جہاں زیادہ تر لوگوں کے زخمی ہونے کی وجہ درخت گرنا، لینڈ سلائیڈنگ اور سیلاب رہی، گھروں کی چھتیں لوگوں کے سروں پر گرنے سے بہت سارے لوگ زخمی ہوئے۔
It hurts to look at all these videos of destruction in Blantyre. #CycloneFreddy. My thoughts are with those affected. But there are lessons to be learnt. 1. Town planning is non-negotiable. We shouldn’t build houses in unallocated places like on those hills in Chilobwe. pic.twitter.com/tGl5r9eMpp
— Main Event (@Louis_Chipofya) March 13, 2023
آفات سے نمٹنے کے امور کے محکمے کے کمشنر چارلس کلیمبا نے ایک پریس بریفنگ میں بتایا کہ طوفان نے ملاوی میں 99 افراد کی جان لے لی ہے، جن میں 85 بلانٹائر کے اہم تجارتی مرکز میں ہلاک ہوئے۔ تاہم موزمبیق میں جانی و مالی نقصان کی مکمل تفصیلات ابھی تک واضح نہیں ہوئی ہیں، کیوں کہ متاثرہ علاقے کے کچھ حصوں میں بجلی کی سپلائی اور فون کے سگنل منقطع ہو گئے ہیں۔
روئٹرز کے مطابق موزمبیق، ملاوی اور مڈغاسکر میں طوفان فریڈی سے ہلاک ہونے والوں کی کل تعداد اب 136 کے لگ بھگ ہے۔