کراچی: شہرقائد میں سلنڈر دھماکے کے نتیجے میں خاتون اور بچہ جاں بحق ہوگیا اور تین افراد زخمی بھی ہوئے۔
تفصیلات کے مطابق کراچی کے علاقے زمان ٹاؤن میں دھماکا غبارے بھرنے والے گیس سلنڈر میں ہوا، جس کے باعث خاتون اور ایک بچہ جاں بحق ہوا۔
دھماکے کے نتیجے میں گیارہ سالہ حسنین اور تیس سالہ عاصمہ جان سے گئی، جبکہ جاں بحق خاتون کا شوہر نعمان، تین سالہ عمر اور ایک راہگیر بچہ زخمی ہوا۔
دو روز قبل ہی کراچی کے علاقے نارتھ ناظم آباد میں سلنڈر دھماکے کے باعث دو افراد زخمی ہوگئے تھے، جبکہ قریبی عمارتیں بھی متاثر ہوئی تھیں۔
اٹک: اسپتال میں سلنڈر دھماکا، چھ افراد جاں بحق
نارتھ ناظم آباد میٹرک بورڈ آفس کے قریب دھماکا دکان میں دھماکا ہوا تھا، دھماکے سے 2 افراد معمولی زخمی، جبکہ قریبی عمارتوں کے شیشے بھی ٹوٹ گئے تھے۔
واضح رہے کہ ملک کے مختلف شہروں میں سلنڈر دھماکوں کے واقعات اکثر پیش آتے ہیں، جس کے باعث اب تک متعدد افراد کی اموات ہوچکی ہیں جبکہ کئی زخمی بھی ہوئے۔
یاد رہے کہ ستمبر 2014 میں نارتھ ناظم آباد میں قائم فاروق اعظم مسجد کے قریب پولیس موبائل پر دستی بم حملہ ہوا تھا، تاہم اس حملے میں کوئی جانی نقصان نہیں ہوا تھا۔
0
20
