نیکوسیا: ایران نے اسرائیل کے ساتھ جاری کشیدگی کے دوران قبرص کے ذریعے دشمن ملک کو اہم پیغامات پہنچا دیے۔
خبر رساں ایجنسی روئٹرز کی رپورٹ کے مطابق قبرص کے صدر نکوس کرسٹوڈولائیڈس نے اپنے بیان میں بتایا کہ ایران نے اسرائیل کو کچھ اہم پیغامات پہنچانے کو کہا ہے۔
ایران اسرائیل کشیدگی سے متعلق تمام خبریں
اگرچہ انہوں نے یہ تو نہیں بتایا کہ وہ اہم پیغامات کیا ہیں اور کس نے بھیجے ہیں لیکن گزشتہ روز قبرص کے وزیر خارجہ اور ان کے ایرانی ہم منصب عباس عراقچی کے درمیان ٹیلی فونک رابطہ ہوا تھا جس میں دونوں نے خطے کی موجودہ صورتحال پر تبادلہ خیال کیا۔
یہ بھی پڑھیں: قبرص سے غزہ امداد پہنچانے پر اسرائیل مان گیا
آج نکوس کرسٹوڈولائڈس کا اسرائیلی وزیر اعظم نیتن یاہو سے ٹیلی فونک رابطہ ہوگا جس میں وہ اہم پیغامات پہنچائیں گے۔
کرسٹوڈولائڈس نے اپنے بیان میں یہ بھی بتایا کہ وہ اس بات سے بلکہ ناخوش ہیں کہ مشرق وسطی میں ہونے والے بحران کے بارے میں یورپی یونین کی طرف سے ایک سست ردعمل سامنے آیا۔
واضح رہے کہ خطے میں یورپی یونین کے قریب ترین ممبر قبرص نے اس کی امور خارجہ کونسل سے غیر معمولی اجلاس کا مطالبہ کیا تھا۔
نکوس کرسٹوڈولائڈس نے صحافیوں کو بتایا کہ یورپی یونین کیلیے جغرافیائی سیاسی کردار کا دعویٰ کرنا، اس تمام پیشرفت کو دیکھنا اور وزراء کونسل کے اجلاس میں نہ ہونا ممکن نہیں۔
قبرص نے خطے سے غیر ملکی شہریوں کے انخلا میں مدد کی پیشکش کی ہے اور مطالبہ کیا ہے کہ ایسے اقدامات سے باز رہا جائے تنازع کو بڑھا سکتے ہیں۔
