جوہانسبرگ: جنوبی افریقہ کے مایہ ناز فاسٹ بولر ڈیل اسٹین نے انڈین پریمیئر لیگ (آئی پی ایل) سے راہیں جدا کرلیں۔
تفصیلات کے مطابق جنوبی افریقا کے فاسٹ بولر ڈیل اسٹین کا کہنا ہے کہ وہ آئندہ سیزن میں آئی پی ایل کا حصہ نہیں ہوں گے، واضح رہے کہ ڈیل اسٹین 2008 سے آئی پی ایل کا حصہ تھے اور گزشتہ سیزن میں ٹیم رائل چیلنجرز بنگلور کی نمائندگی کررہے تھے۔
ڈیل اسٹین نے سماجی رابطے کی ویب سائٹ ٹویٹر پر اپنے پیغام میں کہا کہ ’وہ رواں سال آئی اپی ایل میں آر سی بی کو دستیاب نہیں ہوں گے۔’
Cricket tweet 🏏
Just a short message to let everyone know that I’ve made myself unavailable for RCB at this years IPL, I’m also not planning on playing for another team, just taking some time off during that period.
Thank you to RCB for understanding.
No I’m not retired. 🤙
— Dale Steyn (@DaleSteyn62) January 2, 2021
فاسٹ بولر نے کہا کہ ’وہ آئی پی ایل میں کسی دوسری ٹیم سے کھیلنے کا ارادہ بھی نہیں رکھتے، کچھ وقت آرام کرنا چاہتے ہیں، ٹیم سے ریلیز کرنے کے لیے آرسی بی کا شکریہ۔‘
اسٹین نے اپنے پیغام میں واضح کیا کہ ’وہ ریٹائر نہیں ہورہے ہیں، دوسری لیگز کے لیے دستیاب ہوں گے۔‘
I will be playing in other leagues, nicely spaced out to give myself a opportunity to do something’s I’ve been excited about as well as continue to play the game I love so much.
NO, I’m NOT retired. 😉
Here’s to a great 2021 🤙
— Dale Steyn (@DaleSteyn62) January 2, 2021
واضح رہے کہ ڈیل اسٹین نے آئی پی ایل میں 95 میچز کھیلے جس میں انہوں نے 97 وکٹیں حاصل کیں، فاسٹ بولر کا اکانومی ریٹ 6.91 اور اوسط 25.85 ہے، 2020 میں انہوں نے آر سی بی کے لیے صرف تین میچ کھیلے تھے۔
یاد رہے کہ جنوبی افریقی فاسٹ بولر آئی پی ایل میں رائل چیلنجرز بنگلور کے علاوہ گجرات لائنز، ڈکن چارجرز، سن رائزس حیدرآباد کے لیے بھی کھیل چکے ہیں۔
