سانپ خطرناک ترین مخلوقات میں سے ایک ہیں، اس کے باوجود ان کی منفرد اور حیرت انگیز صلاحیتیں اکثر انہیں دلکش مخلوق بنا دیتی ہیں، اگرچہ ان کا کاٹنا مہلک ہوسکتا ہے۔
کچھ جانور سانپ سے نہیں ڈرتے لیکن آپ نے اکثر دیکھا ہوگا کہ سانپ کو دیکھتے ہی کتے اور بلیاں اس سے دور بھاگنے لگتے ہیں کیونکہ وہ بھی سانپوں سے ڈرتے ہیں۔
اس بارسوشل میڈیا پر ایک ویڈیو وائرل ہو رہی ہے، جس میں کچھ کتے سانپ سے لڑگئے اور اس کو چاروں طرف سے گھیر کر بار بار حملہ کر رہے ہیں۔ کتوں کو بے خوفی سے لڑتے دیکھ کر لگتا ہے کہ وہ اپنے بچوں کو سانپوں سے بچانے کی کوشش کر رہے ہیں۔
اس وائرل ویڈیو کو انسٹاگرام پر شیئر کیا گیا ہے، ویڈیو کے ساتھ کیپشن میں لکھا ہے کہ سانپ بہت کوشش کرتا ہے پھر بھی زندہ نہیں بچ سکتا۔ ویڈیو میں آپ دیکھ سکتے ہیں کہ کتا جھاڑی میں چھپے سانپ کو دیکھتا ہے اور پھر اسے منہ میں دبا کر باہر نکال لاتا ہے اور ایک جھٹکے سے نیچے گرادیتا ہے۔
اس دوران سانپ بھی شدید غصے کے عالم میں قریب کھڑے کتے پر حملہ کرنے ہی والا تھا کہ پیچھے سے تین کتوں نے اسے گھیر لیا لیکن سانپ پھر بھی پیچھے نہیں ہٹتا اور مسلسل کتوں کے حملوں کا سامنا کرتا ہے۔
بس پھر کیا تھا کتے سانپ پر بھرپور حملہ کرتے ہیں، کتوں کے ساتھ ساتھ ان کے بچے بھی آس پاس ہی نظر آرہے ہیں، وہ بھی سانپ سے لڑنے کی کوشش کرتے ہیں، سانپ بھی ان پر حملہ کرتا رہتا ہے لیکن آخر کار کتے سانپ کو جان سے ہی مار ڈالتے ہیں۔
اس ویڈیو کو اب تک 5 لاکھ سے زیادہ لائکس مل چکے ہیں، ویڈیو پر لوگ اپنے ردعمل کا اظہار کر رہے ہیں، کچھ لوگوں کا کہنا ہے کہ سانپ زہریلا نہیں لگتا۔ دوسرے نے تبصرہ کیا کہ اتحاد میں طاقت ہے ایک نے یہ بھی لکھا کہ شاید کسی کتے کو سانپ نے کاٹ لیا ہے، اسی لیے وہ چیخ رہا ہے۔ ویڈیو کے بارے میں آپ کیا کہتے ہیں؟ کمنٹ کرکے بتائیں۔
