نیشنل ٹی ٹونٹی کپ کے اہم لیگ میچ میں دانش عزیز نے ناقابل شکست 72 رنز کی شاندار اننگز کھیل کر سندھ کو یقینی شکست سے بچالیا۔
Sindh batting highlights!
Scorecard: https://t.co/dVDtlG9aug
Highlights: https://t.co/7H6AE6lXT4#NationalT20Cup | #HarHaalMainCricket | #KPvSIN pic.twitter.com/1zWn9PYHr6— Pakistan Cricket (@TheRealPCB) October 13, 2020
چوبیس سالہ بیٹسمین نے آخری گیند پر دلکش چھکا لگا کر میچ کا پانسہ پلٹ دیا۔ پنڈی کرکٹ اسٹیڈیم راولپنڈی میں کھیلے گئےمیچ میں سندھ کو جیت کے لیے میچ کے آخری اوور میں 19 رنز درکار تھے کہ دانش عزیز نے افتخار احمد کو 2 چھکے اور 2 چوکے لگا کر ٹیم کو فتح سے ہمکنار کردیا۔
Another match winning knock, another Man of the Match award for Danish Aziz 👏👏👏#NationalT20Cup | #HarHaalMainCricket | #KPvSIN pic.twitter.com/a9MSLOU3cC
— Pakistan Cricket (@TheRealPCB) October 13, 2020
مطلوبہ ہدف کے تعاقب میں سندھ کا ٹاپ آرڈر مکمل طور پر فلاپ ہوگیا، محض 34 رنز پر7 وکٹیں گنوانے کے بعد فاتح ٹیم کے دانش عزیز اور انورعلی نے آٹھویں وکٹ کے لیے 77رنز کی شراکت قائم کرکے جیت میں اہم کردار ادا کیا۔ سندھ نے 139 رنز کا ہدف میچ کی آخری گیند پر 8 وکٹوں کے نقصان پر حاصل کرلیا۔ دانش عزیز نے 47 گیندوں پر 8 چوکے اور 4 چھکے لگائے۔ انور علی33 رنز بناکر آؤٹ ہوئے۔
WHAT A MATCH!!!#NationalT20Cup | #HarHaalMainCricket | #KPvSIN https://t.co/mF4qvniNdB pic.twitter.com/0uessu9Kxf
— Pakistan Cricket (@TheRealPCB) October 13, 2020
فاسٹ باؤلر عثمان شنواری نے 3، عمران خان سینئر نے 2 جبکہ شاہین شاہ آفریدی نے ایک وکٹ حاصل کی۔
اس سے قبل سرفراز احمد نے ٹاس جیت کر خیبرپختونخوا کو پہلے بیٹنگ کی دعوت دی تو کے پی کی تجربہ کار بیٹنگ لائن اپ مکمل طور پر ناکام ہوگئی اور محض 87 رنز پر اس کے 7 کھلاڑی پویلین واپس لوٹ گئے۔ اس موقع پر عثمان خان شنواری نے 15 گیندوں پر 3 چھکوں اور 2 چوکوں کی مدد سے ناقابل شکست 36 رنزپر مشتمل کیرئیر بیسٹ اننگز کھیلی، جس کی بدولت خیبرپختونخوا نے مقررہ بیس اوورز میں 9 وکٹوں کے نقصان پر 138 رنز بنائے۔مصدق احمد 25 رنزبناکر آؤٹ ہوئے۔
WATCH @Usmanshinwari6's late blitz
Live: https://t.co/NwbpUvHYUZ
WATCH: https://t.co/dtfdkESNTz#NationalT20Cup | #HarHaalMainCricket | #KPvSIN pic.twitter.com/HLi7E891sH— Pakistan Cricket (@TheRealPCB) October 13, 2020
سہیل خان، حسان خان اور محمد حسنین نے 2،2 وکٹیں حاصل کیں۔
مین آف دی میچ کا ایوارڈ حاصل کرنے والے دانش عزیز کا کہنا ہے کہ وہ صرف وکٹ نہ گنوانے کا ذہن بناکر کریز پر کھڑے رہے، یقین تھا کہ دباؤ کم ہوگیا تو یہ ہدف عبور کرنا مشکل نہیں ہوگا۔ ایونٹ میں دوسری نصف سنچری بنانے والے دانش عزیز نے کہا کہ وہ ایک بارپھر ٹیم کی فتح میں اہم کردار ادا کرنے پر بہت خوش ہیں۔
