اسلام آباد : سابق صدر آصف علی زرداری کےخلاف متنازعہ کیس میں شیخ رشید کےخلاف فرد جرم عائد نہ ہوسکی، جوڈیشل مجسٹریٹ نے نئی تاریخ 21 مارچ مقرر کردی۔
تفصیلات کے مطابق سابق صدر آصف علی زرداری کے خلاف متنازعہ بیان پر شیخ رشید پر درج مقدمے کی سماعت جوڈیشل مجسٹریٹ عمر شبیر نے کی۔
سابق وزیرداخلہ شیخ رشید نے عدالت سے حاضری کےلئے استثنیٰ کی درخواست دائر کی، جس میں موقف اختیار کیا گیا ہے کہ طبیعت ناسازی کی وجہ سے بیڈ ریسٹ پر ہوں، پیش نہیں ہو سکتا۔
- Advertisement -
شیخ رشید نے طبی بنیادوں پر حاضری سے استثنیٰ کی درخواست کے ساتھ میڈیکل رپورٹ بھی منسلک کی۔
عدالت نے سابق وزیرداخلہ کی طبی بنیادوں پرآج حاضری سے استثنیٰ کی درخواست منظورکرلی۔
جوڈیشل مجسٹریٹ نے سابق صدر آصف علی زرداری کے خلاف متنازعہ کیس میں شیخ رشید کےخلاف فرد جرم عائد کرنے کی نئی تاریخ 21 مارچ مقرر کردی۔
