کویت سٹی : ماں کا سر تن سے جدا کرنے والی سفاک بیٹیوں نے دوران تفتیش پولیس کو قتل کے محرکات بتا دئیے۔
عرب خبر رساں ادارے کی رپورٹ کے مطابق کویتی دارالحکومت دوحہ میں کچھ روز قبل قتل کی اندوہناک واردات رونما ہوئی تھی جس میں بیٹیوں نے اپنی ہی سگی ماں کو پے در پے چھریوں کے وار کرکے موت کے گھاٹ اتارا اور پھر سر بھی تن سے جدا کردیا تھا۔
پولیس نے جائے وقوعہ سے دو بہنوں کو گرفتار کرکے تحقیقات شروع کردیں۔
- Advertisement -
پولیس کا کہنا ہے کہ قاتل بیٹیوں کو گرفتار کیا تو ان پر جنونی کیفیت طاری ہوگئی، جس کی وجہ سے کچھ دنوں کیلئے تفتیش روک دی گئی بعدازاں انہیں جائے وقوعہ کا دورہ کروایا اور وجوہات بھی جاننے کی کوشش کی گئی۔
قاتل بیٹیوں نے 67 سالہ ماں کو قتل کرنے کی وجوہات بتائی اور سر چھپانے اور لاش دفن کے مقامات بھی دکھائے۔
