کیپ ٹاؤن : انگلینڈ نے تیسرے ٹی ٹوئنٹی میں بھی جنوبی افریقہ کو شکست دے کر وائٹ واش کردیا ہے۔
تفصیلات کے مطابق جنوبی افریقہ نے تیسرے ٹی ٹوئنٹی میں ٹاس جیت کر پہلے بیٹنگ کرتے ہوئے مقررہ اوورز میں تین وکٹوں کے نقصان پر 191 رنز بنائے۔
جواب میں انگلش ٹیم نے ڈیوڈ ملان اور جوز بٹلر کی شاندار بیٹنگ کی بدولت مطلوبہ ہدف صرف ایک وکٹ کے نقصان پر حاصل کرلیا، دوسرے ٹی ٹوئنٹی میں مین آف دی میچ کا اعزاز پانے والے ڈیوڈ ملان نے 99 رنز کی شاندار اننگز کھیلی۔
Clean sweep! 😁 🙌 #SAvENG pic.twitter.com/TYgC8ZJczX
— England Cricket (@englandcricket) December 1, 2020
انگلش بلے باز کی اننگز میں پانچ چھکے اور گیارہ چوکے شامل تھے، 99 رنز بنانے کے لئے ملان نے صرف 47 گیندوں کا سامنا کیا، مین آف دی میچ اور مین آف دی سیریز کا اعزاز بھی ملان کے نام رہا۔
یہ بھی پڑھیں: ملان کا لاٹھی چارج، انگلینڈ نے جنوبی افریقہ کیخلاف ٹی 20 سیریز جیت لی
مہمان ٹیم جنوبی افریقہ کے ساتھ ایک روزہ انٹرنیشنل میچز کی سیریر بھی کھیلی گی، ان مقابلوں کا آغاز چار دسمبر سے ہوگا۔
