حزب اللہ کے ساتھ جنگ بندی معاہدے کے تحت جنوبی لبنان کے علاقے سے اسرائیلی فوج کے انخلاء کی ڈیڈ لائن کا آج آخری روز ہے۔
بین الاقوامی خبر رساں ادارے کی رپورٹ کے مطابق اسرائیلی فوج نے سرحدی گاؤں سے انخلاء شروع کر دیا جبکہ لبنانی فوج بھی پہنچنا شروع ہو گئی ہے۔
رپورٹس کے مطابق ڈیڈ لائن سے چند گھنٹے پہلے اسرائیل کی فوج کا بیان سامنے آیا تھا کہ وہ اسرائیلی شہریوں کے دفاع کے لیے جنوبی لبنان کے 5 اسٹریٹجک پوائنٹس پر عارضی طور پر موجود رہے گی۔
واضح رہے کہ لبنان نے حزب اللّٰہ کے لیے مالی امداد لانے کے اسرائیلی الزام پر ایرانی پروازوں پر پابندی میں غیر معینہ مدت تک توسیع کردی ہے، جس کے بدلے میں ایران نے بھی لبنان کی پروازوں کے ایران آنے پر پابندی عائد کردی ہے۔
رپورٹ کے مطابق ایران سے لبنان آنے اور جانے والی پروازوں پر پابندی میں توسیع کی گئی ہے۔
حماس کا 4 یرغمالیوں کی لاشیں اسرائیل کے حوالے کا فیصلہ
رپورٹس کے مطابق ابھی تک یہ آگاہ نہیں کیا گیا کہ پابندی کی مدت کتنی ہے، لبنان نے اسرائیلی الزام کے بعد ایرانی پروازوں پر گذشتہ ہفتے پابندی عائد کی تھی۔
اسرائیل نے الزام عائد کیا تھا کہ ایران مسافر طیاروں کے ذریعے حزب کے لیے رقوم اسمگل کر رہا ہے۔
