The news is by your side.

Advertisement

سال 2020 : وہ عالمی شخصیات جو اب ہم میں نہیں رہیں

سال 2020 میں دنیا کے مختلف ممالک کی نمایاں شخصیات ہم سے بچھڑ گئیں، رواں سال جدا ہونے والے افراد کی فہرست میں کئی نامور فن کار بھی شامل تھے۔

براڈ کاسٹر نجوا قاسم

دو جنوری کو لبنان کے معروف ٹی وی چینل سے وابستہ سینئر اینکر اور نیوز کاسٹر نجوا قاسم 52 سال کی عمر میں انتقال کرگئیں۔ نجوا قسیم دبئی میں واقع اپنے گھر میں موجود تھیں کہ اس دوران انہیں ہارٹ اٹیک ہوا جو جان لیوا ثابت ہوا۔

عمان کے سلطان قابوس بن سعید

10جنوری کو سلطنت عمان کے سلطان قابوس بن سعید 80 سال کی عمر میں پانچ عشروں تک اقتدار پر فائز رہنے کے بعد ہمیشہ کے لیے جدا ہوگئے۔ ان کے انتقال پر ملک میں تین روزہ سوگ کا اعلان کیا گیا۔

مصر کے سابق صدر حسنی مبارک

مصر کے سابق صدر حسنی مبارک25فروری کو 91 سال کی عمر میں انتقال کرگئے، کرپشن کے الزامات کی زد میں رہنے والے حسنی مبارک فالج کے باعث اسپتال میں زیرعلاج تھے، وہ مسلسل تین دہائیوں تک مصر کے صدر رہے۔

ڈک ورتھ قانون کے بانی ٹونی لوئس

لندن: کرکٹ کے کھیل میں ڈک ورتھ لوئس قانون کے بانی ٹونی لوئس3ا پریل کو 78 برس کی عمر میں دارِ فانی سے کوچ
کرگئے۔ ڈک ورتھ لوئس (ڈی ایل) میتھڈ کے بانی نے 1992 میں قانون متعارف کرایا جو آج بھی نافذ العمل ہے۔

بھارتی لیجنڈ کرکٹر والٹر ڈیسوزا

بھارت کے لیجنڈ کرکٹر والٹر ڈیسوزا 11اپریل کو جہان فانی سے کوچ کرگئے، ان کی عمر93سال تھی، وہ رات کو سوئے
اور اسی حالت میں دنیا کو الوداع کہہ گئے۔ ڈیسوزا سب سے عمر دراز فرسٹ کلاس کرکٹر تھے۔

برطانوی ریسنگ لیجنڈ سر اسٹرلنگ ماس

برطانوی ریسنگ لیجنڈ سر اسٹرلنگ ماس طویل علالت کے بعد12اپریل کو انتقال کرگئے ہیں، دنیا کی سب سے بڑی کار ریس
فارمولا ون کے مایہ ناز ڈرائیور سر اسٹرلنگ ماس کی عمر 90 سال تھی۔

ٹام اینڈ جیری کے ہدایتکار جین ڈیچ

بچوں کے بے حد پسندیدہ کارٹون ٹام اینڈ جیری اور پوپائے دی سیلر مین کے ہدایت کار آسکر ایواڈ یافتہ جین ڈچ20اپریل کو
انتقال کرگئے ان کی عمر95 برس تھی۔

بھارتی فلم اسٹار عرفان خان

بھارتی فلم انڈسٹری کے مشہور اداکار عرفان خان29 اپریل کو ممبئی میں انتقال کرگئے۔ عرفان خان بڑی آنت کے انفیکشن کے
باعث ممبئی کےاسپتال میں زیر علاج تھے۔ ان کی عمر 53برس تھی۔

رگبی کے معروف امریکی کھلاڑی میکس تیورک

امریکی ریاست کیلی فورنیا سے تعلق رکھنے والے رگبی کے معروف کھلاڑی میکس تیورک 22جون کو اچانک انتقال کرگئے،
ایک پارک میں چل قدمی کرتے ہوئے اچانک موت کے منہ میں چلے گئے، موت سے متعلق تاحال کوئی حتمی رائے سامنے نہیں
آئی ہے۔

بھارت کی معروف کوریو گرافر سروج خان

بھارتی فلم انڈسٹری کی اس معروف کوریو گرافر سروج خان3جولائی کو ممبئی کے ایک اسپتال میں ہمیشہ کے لیے اس دنیا سے
رخصت ہوگئیں۔ ان کا اصل نام نرملا پال تھا۔ انہوں نے 70سال کی عمر پائی۔

ہالی ووڈ کے معروف کمپوزرایننیو مورریکو

ہالی ووڈ کے مقبول ترین اطالوی میوزک کمپوزر آسکر ایوارڈ یافتہ ایننیو مورریکو8جولائی کو انتقال کرگئے، ان کی عمر 91
برس تھی۔اطالوی میوزک کمپوزر سال 1928 میں اٹلی کے شہر روم میں پیدا ہوئے۔

شارجہ کے نائب سربراہ شیخ احمد بن سلطان القاسمی

متحدہ عرب امارات کی ریاست شارجہ کے نائب سربراہ شیخ احمد بن سلطان القاسمی10جولائی کو انتقال کرگئے۔ شارجہ کی
حکومت نے نائب سربراہ کے انتقال پر تین روزہ سوگ کا اعلان کیا اس دوران قومی پرچم بھی سرنگوں رہا۔

امریکی باکسنگ کوچ ناظم رچرڈ سن

امریکی ریاست پنسلوانیا کے شہر فلاڈیلفیا میں مقیم باکسنگ کے لیجنڈری کوچ ناظم رچرڈ سن25جولائی کو اچانک انتقال کرگئے۔

معروف شاعر راحت اندوری

اردو کے معروف شاعر راحت اندوری11اگست کو اس دنیا کو الودع کہہ گئے، انہوں نے کورونا پازیٹو ہونے کی اطلاع خود
اپنے ٹوئٹر پیغام کے ذریعہ دی تھی۔ ڈاکٹر راحت اندوری کی عمر70 برس تھی۔

کراچی کنگز کے ہیڈ کوچ ڈین جونز

سابق آسٹریلوی کرکٹر اور کراچی کنگز کے ہیڈ کوچ ڈین جونز24ستمبر کو انتقال کرگئے، سابق ٹیسٹ کرکٹر کا انتقال ممبئی کے ایک اسپتال میں دل کا دورہ پڑنے سے ہوا۔ ڈین جونز کی عمر 59سال تھی، وہ 24مارچ 1961 میں میلبرن میں پیدا ہوئے۔

بھارتی رہنما رہنما جسونت سنگھ

قائد اعظم محمد علی جناح کی تعريف کرنے پر بی جے پی سے نکال ديے جانے والے رہنما جسونت سنگھ 27ستمبر کوانتقال کر گئے، انہیں بانی پاکستان پر کتاب لکھنے کی وجہ سے بھارت اور پاکستان دونوں ہی ملکوں ميں جانا جاتا ہے۔ سابق بھارتی سياست دان جسونت سنگھ کی عمر82 برس تھی۔

امیر کویت شیخ صباح الاحمد الجابر الصباح

امیر کویت شیخ صباح الاحمد الجابر الصباح طویل علالت کے باعث29ستمبر کو جہان فانی سے کوچ کرگئے۔ وہ امریکہ کے ایک اسپتال میں زیر علاج تھے ان کی عمر 91برس تھی۔

نیوزی لینڈ کے مایہ ناز کرکٹر جان رچرڈ ریڈ

نیوزی لینڈ سے تعلق رکھنے والے لیجنڈری کرکٹر جان رچرڈ ریڈ14اکتوبر کو انتقال کرگئے ان کی عمر92 برس تھی۔
انٹرنیشنل کرکٹ کاؤنسل (آئی سی سی) کی جانب سے ان کے انتقال پر تعزیت کا اظہار کیا گیا۔

سعودی شہزادہ نواب بن سعد بن مسعود

سعودی شہزادہ نواب بن سعد بن مسعود بن عبدالعزیز20اکتوبر کو رضائے الہٰی سے انتقال کرگئے۔

روضہ رسول کے خادم آغا احمد علی یاسین

روضہ رسول اور حجرہ مبارک کی کئی دہائیوں تک خدمت کرنے والے بزرگ آغا احمد علی یاسین2 نومبر کو انتقال کرگئے
آغا احمد یاسین کے انتقال کے بعد اب مدینہ منورہ میں صرف تین آغا حیات ہیں، یہ وہ لوگ ہیں جنہوں نے اپنی زندگی مسجد
نبوی شریف کی خدمت کے لیے وقف کر رکھی ہے۔

بھارتی اداکار فراز خان

اعصابی بیماریوں میں مبتلا ہونے والے بھارتی اداکار فراز خان4نومبر کو انتقال کرگئے، وہ علاج کے غرض سے اسپتال میں
داخل تھے، انہوں نے اپنی زندگی کے آخری ایام کسمپرسی میں گزارے۔

فلسطینی رہنما صائب عریقات

فلسطین کی حکومت کے اہم عہدیدار صائب عریقات کرونا وائرس میں مبتلا ہوکر10نومبر کوجہان فانی سے کوچ کرگئے۔
صائب عریقات الفتح پارٹی کے رکن اور دو دہائیوں سے فلسطین کے چیف مذاکرات کار رہے تھے۔ ان کی عمر 65سال تھی۔

بحرین کے وزیر اعظم شہزادہ خلیفہ بن سلمان

بحرین کے وزیراعظم شہزادہ خلیفہ بن سلمان الخلیفہ11 نومبر کو انتقال کر گئے، ان کی عمر84 سال تھی، شہزادہ خلیفہ
بن سلمان الخلیفہ49 برس تک وزارت عظمیٰ کے عہدے پر فائز رہے۔

سابق سوڈانی وزیر اعظم صادق المہدی

سوڈان کے سابق وزیر اعظم صادق المہدی کورونا کے باعث26 نومبر کو انتقال کرگئےوہ گزشتہ تین ہفتے سے متحدہ عرب امارات کے ایک اسپتال میں زیر علاج تھے۔ ان کی عمر84سال تھی۔

سعودی شہزادی مداوی بنت عبداللہ

شہزادہ متعب بن عبداللہ بن سعود بن عبدالعزیز آل سعود کی والدہ سعودی شہزادی مداوی بنت عبداللہ25دسمبر کو انتقال کرگئیں

Comments

یہ بھی پڑھیں