عمران خان کو پارٹی کی سربراہی کے عہدے سے ہٹانے کی درخواست کا تحریری فیصلہ جاری کر دیا گیا۔
تحریری فیصلے کے مطابق لاہور ہائیکورٹ نے الیکشن کمیشن کو کارروائی سے روکنے کےحکم میں توسیع کر دی۔
جسٹس جواد حسن کی جانب سے جاری فیصلے میں کہا گیا ہے کہ عدالت درخواست پر فل بینچ بنانے کی سفارش کرتی ہے۔
ایڈووکیٹ جنرل پنجاب نے اپنا جواب عدالت میں جمع کروایا، وفاقی حکومت کے وکیل نے درخواست خارج کرنے کی استدعا کی کہ اسی نوعیت کی درخواست عمران خان نے اسلام آباد ہاٸی کورٹ میں بھی داٸر کی ہے، ایک ہی نوعیت کی درخواست دو عدالتوں میں داٸر نہیں کی جاسکتی۔
عدالت نے وفاقی حکومت کے وکیل کی استدعا مسترد کردی، ایڈوکیٹ جنرل پنجاب نے بتایا کہ الیکشن کمیشن نہ تو عدالت ہے اور نہ ہی وہ کسی کو نااہل قرار دے سکتا ہے۔
