نئی دہلی: بھارت میں وزارت تعلیم کی جانب سے ایک بیان سامنے آیا ہے، جس میں کہا گیا ہے کہ اب سال میں دو مرتبہ بورڈ کے امتحانات لئے جائیں گے، جبکہ 11ویں اور 12ویں جماعت میں طلبا کو دو زبانوں کا مطالعہ کرنا لازمی ہوگا۔
مرکز کی جانب سے نئی تعلیمی پالیسی (این ای پی) کے مطابق تعلیمی نظام میں بڑی تبدیلیوں کا اعلان کیا اور کہا کہ 2024 کے تعلیمی سیشن کے لیے نصابی کتب تیار کی جائیں گی۔
نئے نصاب کے فریم ورک کا اعلان وزارت تعلیم نے کیا۔ وزارت تعلیم کے نئے نصاب کے فریم ورک کے تحت بورڈ کے امتحانات سال میں دو بار لیے جائیں گے۔
وزارت تعلیم کے نئے نصاب کے فریم ورک کے تحت، بورڈ کے امتحانات مہینوں کی کوچنگ اور روٹ لرننگ کے مقابلے طلبا کی سمجھ اور مہارت کی سطح کا جائزہ لیا جائے گا، جبکہ طلبا کو بہترین نمبر رکھنے کی اجازت ہوگی۔
وزارت تعلیم نے کہا کہ نصابی کتب کی قیمتیں کم کی جائیں گی۔ وزارت تعلیم کے نئے نصاب کے فریم ورک کے تحت کلاسوں میں نصابی کتب کو ‘کور‘ کرنے کے موجودہ رواج سے گریز کیا جائے گا۔
وزارت تعلیم کے نئے نصاب کے تحت 11ویں اور 12ویں جماعت کے طلبا کو دو زبانیں پڑھنی ہوں گی جن میں سے کم از کم ایک ہندوستانی ہونی چاہیے۔
دوسری جانب بعض طلباء کا کہنا ہے کہ سال میں 2مرتبہ بورڈ کے امتخانات منعقد ہونے سے ان کے لئے مشکلات بڑھ جائیں گے۔
