اسلام آباد : آئل مارکیٹنگ کمپنیز کی جانب سے پیٹرولیم مصنوعات کے ذخیرے پر کریک ڈاؤن کا فیصلہ کرلیا گیا۔
تفصیلات کے مطابق حکومت نے آئل مارکیٹنگ کمپنیز کی جانب سے پیٹرولیم مصنوعات کے ذخیرے پر کریک ڈاؤن کا فیصلہ کرلیا۔
ذرائع ایف آئی اے نے بتایا ہے کہ ملک بھر میں ایف آئی اےکےسینئرافسران پر مشتمل ٹیمیں تشکیل دے دیں گئیں ہیں۔
ذرائع کا کہنا تھا کہ پیٹرولیم ذخیرہ کرنے پرمافیاکے خلاف بلا امتیاز کارروائی ہوگی، پیٹرول پمپس پر بھی چیکنگ کی جائےگی۔
ایف آئی اے نے ذخیرہ کرنیوالے مالکان کالائسنس کینسل کرنے کا بھی عندیہ دے دیا۔
یاد رہے اوگرا کی جانب سے ملک کے کئی علاقوں میں پیٹرول اور ڈیزل کا مصنوعی بحران پیدا کرنے والوں کیخلاف کارروائی کی ہدایت کے بعد پولیس حرکت میں آگئی تھی۔
آئی جی پنجاب نے صوبے میں پٹرول کی ذخیرہ اندوزی کیخلاف کریک ڈاؤن کا حکم دیتے ہوئے ہدایت کی کہ ذخیرہ اندوزی کرنیوالے ڈپوزاور ایجنسیوں کیخلاف کارروائی کی جائے۔
