تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

قومی اسمبلی کی 35 خالی نشستوں پر ضمنی انتخابات کرانے کا فیصلہ

پاکستان تحریک انصاف کے اراکین کے استعفوں کی منظوری کے بعد خالی ہونے والی 35 نشستوں پر ضمنی انتخابات کرانے کا فیصلہ کیا گیا ہے۔

اے آر وائی نیوز کے مطابق اسپیکر قومی اسمبلی نے دو روز قبل پاکستان تحریک انصاف کے مستعفی اراکین اسمبلی میں سے 35 کے استعفے منظور کیے تھے۔ جس کے بعد الیکشن کمیشن نے گزشتہ روز مذکورہ 33 عام اور 2 خصوصی نشستوں کے اراکین کے ڈی نوٹیفائی ہونے کا نوٹفیکیشن جاری کرتے ہوئے ان نشستوں کو خالی قرار دیا تھا۔

ذرائع کے مطابق الیکشن کمیشن نے قومی اسمبلی کی ان خالی نشستوں پر ضمنی انتخابات کے شیڈول کی تیاری پر مشاورت شروع کر دی ہے اور مشاورت مکمل ہوتے ہی شیڈول جاری کر دیا جائے گا۔ ذرائع کا کہنا ہے کہ ضمنی انتخابات کا شیڈول آئندہ ہفتے جاری ہونے کا امکان ہے۔

ذرائع کا یہ بھی کہنا ہے کہ الیکشن کمیشن نے صرف ان 35 ہی نہیں بلکہ آئندہ خالی ہونے والی نشستوں پر بھی ضمنی الیکشن کرانے کا فیصلہ کرلیا ہے۔

واضح رہے کہ دو روز قبل عمران خان نے قومی اسمبلی میں واپس جانے کا عندیہ دیا تھا جس کے چند گھنٹے بعد ہی اسپیکر قومی اسمبلی راجا پرویز اشرف نے پی ٹی آئی کے مستعفی اراکین میں سے 35 کے استعفے منظور کرلیے تھے۔

یہ بھی پڑھیں: قومی اسمبلی سے پی ٹی آئی کے مزید 35 ارکان کے استعفے منظور

جن اراکین کے استعفے منظور کیے گئے ان اراکین اسمبلی میں پی ٹی آئی کے مرکزی رہنماؤں شاہ محمود قریشی، اسد عمر، فواد چوہدری، مراد سعید، عمر ایوب، اسد قیصر، پرویز خٹک، شہریار آفریدی، علی امین گنڈاپور، نورالحق قادری، راجا خرم شہزاد، علی نواز اعوان، عمران خٹک، صداقت علی خان، غلام سرور، شیخ راشد شفیق اور منصور حیات کے علاوہ تحریک انصاف کے اتحادی سینیئر سیاستدان شیخ رشید شامل ہیں۔

Comments

- Advertisement -