The news is by your side.

Advertisement

وفاقی دارالحکومت میں مزید آئسولیشن مراکز قائم کرنے کا فیصلہ

اسلام آباد: کرونا وائرس کیسز میں اضافے کے پیش نظر وزارت قومی صحت نے اسلام آباد میں مزید آئسولیشن مراکز قائم کرنے کا فیصلہ کر لیا ہے۔

اے آر وائی نیوز کے مطابق ذرایع نے بتایا ہے کہ وزارت قومی صحت نے وزیر اعظم عمران خان کو ایک مراسلہ بھیج کر اضافی فنڈز کی درخواست کی ہے۔

ذرایع کے مابق وزارت قومی صحت نے ساڑھے 59 کروڑ کے اضافی فنڈز مانگ لیے ہیں، مراسلے میں کہا گیا ہے کہ آئسولیشن مراکز میں مریضوں کے لیے 150 اضافی بستر دستیاب ہوں گے، نئے آئسولیشن مراکز کے لیے اضافی فنڈز فراہم کیے جائیں۔

وزارت صحت کے مراسلے میں کہا گیا ہے کہ کرونا کے پیش نظر آئسولیشن اسپتال کی استعداد بڑھانے کے لیے بستروں کی تعداد 50 سے 100 بیڈ کرنے کا منصوبہ ہے، جس کے لیے 54 کروڑ کے فنڈز درکار ہیں۔

پاکستان میں کرونا سے جاں بحق افراد کی تعداد 8 ہزار سے تجاوز

مراسلے کے مطابق فیڈرل جنرل اسپتال میں 100 بستروں کا آئسولیشن سینٹر قائم ہوگا، ایف جی ایچ میں طبی سہولتیں بھی بہتر بنانے کی ضرورت ہے، جس کے لیے طبی آلات این ڈی ایم اے فراہم کرے گی، تاہم محکمے وزارت کو 53 ملین کے فنڈز درکار ہیں۔

وزارت صحت نے مراسلے میں تکنیکی گرانٹ کی سمری ای سی سی بھجوانے کی تجویز بھی دی ہے، کہا گیا ہے کہ وزیر اعظم بطور انچارج سمری ای سی سی بھجوانے کی اجازت دیں۔

واضح رہے کہ پاکستان میں کرونا وبا کی دوسری لہر نے کرونا کیسز میں بہت زیادہ اضافہ کر دیا ہے، گزشتہ چوبیس گھنٹوں کے دوران ملک میں مزید 40 افراد کا انتقال ہوا، مجموعی اموات کی تعداد بھی 8 ہزار سے بڑھ کر 8 ہزار 25 ہو گئی۔

Comments

یہ بھی پڑھیں