عالمی منڈی میں خام تیل کی قیمتوں میں کمی ہونا شروع

عالمی مارکیٹ میں خام تیل کی قیمتوں میں کمی آنا شروع ہوگئی اور لندن برینٹ خام تیل 85 ڈالر 52 سینٹ کا ہوگیا۔

تفصیلات کے مطابق اسرائیل اور حماس کے درمیان جھڑپوں کے تیسرے روز بین الاقوامی مارکیٹ میں تیل کی قیمتوں میں کمی ہونا شروع ہو گئی۔

لندن برینٹ خام تیل کی قیمت میں 2 ڈالر 39 سینٹ کمی کے بعد 85 ڈالر52 سینٹ پر آ گیا جبکہ امریکی بلیوٹی آئی خام تیل کی قیمت میں3 ڈالر 7 سینٹ کی کمی ہوئی، جس کے بعد 83 ڈالر سات سینٹ میں ٹریڈ کر رہا ہے۔

خبر رساں ایجنسی رائٹرز کا کہنا ہے کہ امریکا میں خام تیل کے ذخائر میں اضافہ کی وجہ سے سپلائی میں بہتری آئی اور جس کی وجہ سے قیمت میں کمی نظر آ رہی ہے۔

Comments