site
stats
صحت

دیواروں پرروغن کے مختلف انداز صحت کے لیے خطرناک

کیا آپ نے اپنے گھر کی دیواروں پر خوبصورت اور دیدہ زیب پینٹ کروا رکھا ہے جو آپ کے گھر کو نہایت خوبصورت دکھاتی ہیں؟ تو جان لیں یہ آرائشی پینٹ آپ کے لیے نہایت خطرناک بھی ثابت ہوسکتی ہیں۔

حال ہی میں کی جانے والی ایک تحقیق کے مطابق پاکستان میں بنائے جانے والے زیادہ تر رنگ و روغن میں سیسے کی خطرناک مقدار موجود ہوتی ہے۔

دو مقامی اداروں کی جانب سے کی جانے والی اس تحقیق میں دیکھا گیا کہ عام روغن کی نسبت آرائشی روغن میں سیسے کی خطرناک مقدار شامل ہوتی ہے۔

تحقیق میں شامل ماہرین کے مطابق اس زہریلے سیسے کا سب سے زیادہ شکار بچے اور خواتین ہوسکتی ہیں کیونکہ یہ سارا دن ان در و دیوار کے درمیان رہتے ہیں۔

خیال رہے کہ سیسے کا زہر انسانوں میں نابینا پن، دماغی خلیات کو تباہ کرنے اور جسمانی اعضا کو ناکارہ بنانے کا سبب بنتا ہے۔

اقوام متحدہ کے ادارہ ماحولیات یو این ای پی کے مطابق سیسہ کا انسانی جسم میں جانا دل کے امراض اور فالج کا خطرہ بڑھا دیتا ہے۔

اس کا زہر دماغ، جگر اور گردوں میں جا کر انہیں ناکارہ بنا دیتا ہے جبکہ یہ ہڈیوں کے گودے اور دانتوں میں بھی ذخیرہ ہو کر مستقل نقصان پہنچانے کا سبب بن جاتا ہے۔

سیسہ خاص طور پر دماغ اور اعصابی نظام پر حملہ آور ہو کر تولیدی اعضا، ہڈیوں اور قوت مدافعت کو ناکارہ بنا دیتا ہے۔ یہ چھوٹے بچوں کی دماغی نشونما کو متاثر کر کے انہیں کند ذہن اور کم عقل بھی بنا دیتا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top