بولی وُڈ کی نامور ادکارہ دیپیکا پڈوکون کا شمار ان اداکارہ میں ہوتا ہے جنہوں نے نہایت قلیل عرصے میں اپنی شاندار پرفارمنس اور حیرت انگیز صلاحیتوں کے باعث ناظرین اور ناقدین کو متاثر کیا۔
لیکن کیا آپ جانتے ہیں کہ وہ غصے کی بہت تیز ہیں، جس کا اندازہ آپ کو اس وائرل ویڈیو میں ہوجائے گا، وائرل ویڈیو میں دیکھا جاسکتا ہے کہ اداکارہ نے ہدایت کار روہت شیٹی کے سر پر شیشے کی بوتل سے حملہ کیا اور ان کے سر سے خون بہنے لگا۔
ویڈیو میں دیکھا جاسکتا ہے کہ روہت کسی بات پر اداکارہ کو پریشان کررہے ہیں، جس پر وہ اشتعال میں آئیں اور یہاں تک کہ شیشے کی بوتل ان کے سر پر دے ماری۔
تو صارفین کیا آپ سچ سمجھے کہ آیا کچھ ایسی گڑبڑ ہوئی ہے تو ہم آپ کو اس کا پس منظر بتادیں۔
دراصل دونوں کی جانب سے کیا گیا ایک طے شدہ اسٹنٹ تھا جو عملے کے ارکان کے لیے کافی چونکا دینے والا تھا۔
یہ اسٹنٹ فلم ‘چنئی ایکسپریس’ کی شوٹنگ کے دوران کیا گیا تھا، اس فلم میں دیپیکا کے کردار اور اداکاری کو ناظرین نے بے حد پسند کیا اور یہ فلم باکس آفس پر سپر ہٹ ثابت ہوئی۔
دیپیکا نے اپنا ڈیبیو شاہ رخ خان کے ساتھ ‘اوم شانتی اوم ‘ میں کیا، گزشتہ برسوں میں اداکارہ نے مختلف کردار ادا کر کے لاکھوں لوگوں کے دلوں میں جگہ بنائی۔ دیپیکا کو پدماوت، رام لیلا، اور باجی راؤ مستانی جیسی فلموں سے بھی بہت زیادہ شہرت ملی۔
View this post on Instagram
